„Þið myndist betur, en sá sem myndina tekur“

Lokað vegna veðurs

2008-08-27T12:59:00.001Z

Taka tvö, Iðufell - 21. júní "08

2008-06-24T21:22:00.013Z

Menn vöknuðu mishressir á laugardeginum, eftir feiknargott djamm frá kvöldinu áður. Planið hafði verið að vakna snemma og taka "tour" um Þingvelli og Gullfoss, og enda síðan á Iðufelli (afmælispartý Elínar). Tveir fyrrnefndu staðirnir duttu út vegna fyrrgreindra ástæðna, en við komumst þó klakklaust á Iðufell, þó svo að kunnátta mín við að rata hafi verið dregin í efa, Helgi hóst, hóst... En allavegana, hér að neðan eru nokkrar myndir, en þær segja víst meira en (mörg) þúsund orð... Stórkostlegt djamm... :)

Á í einhverju veseni við að hlaða myndunum inn, þannig að ég reyni að setja fleiri inn á morgun. Mikið var þetta ótrúlega gaman, get skoðað þessar myndir, aftur og aftur... ;)

Djamm um síðustu helgi (föstudagur)

2008-06-23T23:23:00.011Z

Sæl öll

Fékk alveg ótrúlega fallegt og skemmtilegt fólk til mín um síðustu helgi. Helgi kom á föstudagskvöldinu, og það varð úr að ég og Runi skyldum sækja hann út á flugvöll, (það er víst orðið ódýrara að fljúga, en keyra). Eitthvað klikkaði móttökunefndin að okkar hálfu, (EM, hóst hóst...) en það var víst í góðu lagi, því Birgitta og Halla, sáu um að halda honum félagsskap. Það voru auðvitað allir til í að kíkka út um kvöldið (nema Runi), og því var planaður hittingur heima hjá mér. Þetta eru myndirnar úr þeim félagsskap, en við verðum endilega að endurtaka þetta við tækifæri ;)

Myndirnar úr Iðufellsævintýrinu, koma bráðlega, best að halda ykkur volgum. Kem líka með þær á Húnavökuna, og það er aldrei að vita nema maður klippi saman eitt gott video eða svo ;)

Þangað til næst, luv you all ;)

Lýðræðisflokkurinn...

2008-06-06T13:04:00.008Z

...er við það að fæðast, skv. þessari frétt.

Hugmyndin er góð, og það verður skemmtilegt fyrir landann ef þetta afl nær að blómstra, það væri óskandi... Ég sé hins vegar margt líkt með Lýðræðisflokknum og Íslandshreyfingunni (svona allavegana á fyrstu metrunum), en vona bara að það rætist úr þessu hjá þeim, þ.e.a.s að menn og konur haldi sannfæringu sinni út í gegn, ólíkt öðrum flokkum sem nú sitja á þingi.

Við skulum allavegana vona að hugmyndin hans Sturlu sé ekki andvana fædd...

Og að öðru...náskyldu - Hvers vegna eru þingmenn, og ráðherrar aldrei látnir sæta ábyrgð, á því sem miður fer? Tökum sem dæmi skipanir ráðherra í hin ýmsu störf í stjórnsýslunni, er eðlilegt að ráðherra geti "einn og óstuddur" tekið ákvörðun um að veita flokks- bróður, eða -systur, embætti sem fjármagnað er með sjóðum almennings? Væri ekki eðlilegra að breiðari hópur fólks kæmi að þessum ráðningum, en fyrir mitt leyti þyrfti þetta að vera hópur fólks sem nyti mikillar virðingar í samfélaginu og um leið almannahylli? Hvað segið þið, einhverjar uppástungur?

Hvers vegna er sá hæfasti aldrei ráðinn?

Bið að heilsa

Áttu von á kraftaverki í kvöld?

2008-04-22T23:47:00.012Z

Sæl öll!

Ég og Arnar skelltum okkur út í smá bílrúnt klukkan tíu í kvöld, og að sjálfsögðu greip ég vélina með. Er ekki kominn með þrífót, en það er næsta mál á dagskrá, ásamt tösku.

Náði þrátt fyrir þetta ágætis myndum, í þessu líka fína veðri. Við fórum víða, kíktum upp í Öskjuhlíð, og tókum ágætis hring í Kópavogi.

Fyrirsögnin á þennan pistil kom þegar ég var staddur við Kópavogskirkju, en þá vatt sér upp að mér göngugarpur, sem spurði um leið, hvort ég ætti von á kraftaverki í kvöld? Ég leit undrandi á manninn, og brosti tilbaka og skyldi bara ekkert hvað hann var að fara. Hann var snar í tilsvörum og sagði að sér þætti skondið að sjá tvo ljósmyndara, á nákvæmlega sama tíma, að mynda kirkjuna í bak og fyrir, hehe góður ;) - og þá sérstaklega í ljósi þess að nokkru fyrir neðan mig var annar einstaklingur að mynda kirkjuna.

Mynd frá framkvæmdum Ístaks við hringtorg í Skeljabrekku í Kópavogi

Og ein að lokum, allir að segja síííís ;)

Kv. Nonni

Myndir úr leik ÍA og KR

2008-04-20T11:48:00.020Z

Kæru lesendur

Ég held áfram að smella af, og tilefnið að þessu sinni, var að prófa nýjustu linsuna mína (Canon 70-200 mm f 2.8 L). Fór á leik ÍA og KR í Kórnum í gær, og fékk mér síðan sæti upp í stúku og byrjaði að smella af. Linsan er hreint út sagt frábær, og hér að neðan má sjá nokkrar myndir úr leiknum

Hér er Björn Bergmann að renna boltanum framhjá Kristjáni í markinu. Þetta var annað mark ÍA í leiknum.

Hér er Gulli Jóns að fara af velli með rautt spjald, eftir brot á Stefáni Þórðarsyni.

Umsögn: ÍA sigraði 3-0, en KR-ingarnir sáu aldrei til sólar í leiknum. Bjarni Guðjóns kom þeim gulklæddu yfir á 1. mín og Björn Bergmann bætti öðru við, rétt fyrir leikhlé. Þriðja og síðasta markið kom á 77. mín, þegar KR skoruðu sjálfsmark, eftir hornspyrnu frá ÍA. Fyllilega verðskuldaður sigur, á lélegu KR-liði.

Með kveðju Nonni

Að festast undir brú, myndir og [video frá Vísi]

2008-04-15T17:46:00.013Z

Var á leiðinni heim í dag og ákvað að bregða út af vananum og keyra Reykjanesbrautina. Beygði síðan til hægri og upp í Smiðjuhverfið, og þá blasti þessi sjón við. Var að sjálfsögðu ekki með myndavélina á mér, en dreif mig þess í stað heim og sótti hana. Þegar ég kom tilbaka var bíllinn sem festi kranann, farinn, en skömmu síðar kom annar bíll frá GG-verktökum.

Hér er myndatökumaður Vísis.is að skjóta ofan af brúnni.

Hér er bíllinn frá GG-verktökum kominn, og er að bakka undir vagninn.

Bílstjórinn svaka einbeittur á svip.

Þess má geta að þeir reyndu fyrst að þröngva vagninum áfram, en það gekk að sjálfsögðu ekki. Þá var tekið á það ráð að bakka undan brúnni. Sú aðgerð tókst hins vegar mjög vel.

Hér er myndatökumaður Vísis í "action", en skömmu áður hafði annar mannanna (þessi sem stendur nær lögreglumanninum) reynt að rífa af honum tökuvélina (var eitthvað ósáttur með athyglina), hann hætti við frekari læti, eftir að bílstjórinn argaði á hann. Ótrúlegur asnaskapur í honum, verð ég að segja.

Hér er búið að losa vagninn, þ.e. kranann undan brúnni, og síðan var haldið áfram, það að segja, bakkað, og bakkað og bakkað. Lögreglan fór á undan og passaði upp á umferðina.

Umferðin var nokkuð mikil, en áfram var haldið....

....að bakka!!!

Hér eru síðan skemmdirnar á brúnni, ekki ýkja miklar, samt aðallega á klæðningunni.

Og áfram var bakkað, hann fór alveg aftur að Sprengisandi (Pizza Hut), lengst til vinstri, en þá hætti ég að fylgjast með.

Áhugavert, ekki satt?

Brunaútsala [Í nýja turninum í Smáratorgi]

2008-04-09T23:47:00.010Z

Og af stað var farið [rétt rúmlega tíu í kvöld], og myndavélin að sjálfsögðu gripin með. Það var hins vegar erfitt að ná góðum myndum, þar sem lögreglan var út um allt. Fórum eiginlega út um allt, t.d. yfir á planið við Smáralind, þar sá maður ágætlega yfir. Leyfi nokkrum myndum að fylgja, en þess má geta að sólarlagsmyndin er frá því fyrr um kvöldið.

Fjölmiðlarnir voru að sjálfsögðu mættir á svæðið, en hér var myndatökumaður frá Stöð2 að ganga frá, um það leyti sem við vorum að mæta.

Það var enginn eldur sjáanlegur, en reykurinn var þónokkur fyrst eftir að við komum, eins og sjá má á myndunum hér að ofan.

Að endingu fær Arnar eina mynd af sér, er bara mjög sáttur með hana ;)

Bið að heilsa ykkur öllum...

Kaupstaðurinn Akranes

2008-04-06T22:57:00.003Z

Gerði mér ferð upp á Akranes með Arnari um síðustu helgi og tók nokkrar myndir í leiðinni. Hér er smá brotabrot af því sem ég tók.

Eftir dágóðan rúnt, þá enduðum við niðri á höfn, og þar vöktu veiðiaðferðir frá Póllandi sérstaka athygli. Það er spurning hvort það fari vel saman, að staupa sig, og sveifla (kasta) eftir fiski?

Áttu erfitt með að vakna...

2008-04-06T01:31:00.003Z

Þetta er algjör snilld ;)

Kv. Nonni

Þá er nýjasti fjölskyldumeðlimurinn kominn í hús

2008-03-18T22:48:00.005Z

Jæja, get ekki beðið eftir því að prófa nýju Canon 40D vélina sem ég fjárfesti í, fyrr í dag. Hún er komin heim á Sigló (með flutningi frá Akureyri). Mikið lítur hún vel út ;) Næsta mál á dagskrá er svo að fjárfesta í góðri linsu (24-70mm f 2,8L). Hef þetta ekki lengra í bili ;) - Sjáumst...

Ein þvinguð á leiðinni...

2008-03-13T23:07:00.009Z

Já góðan daginn, hef kannski ekki verið alveg eins duglegur, og ég ætlaði mér, en þessi blöggþörf kemur víst í pörtum. Látum allavegana reyna á hana núna.

Það virðist svo stutt síðan Helgi og Runi kíkktu óvænt suður ;) What a wonderful world, og þvílíkt djamm sem var tekið. Bestu djömmin eru einmitt þegar maður hefur ekki hugmynd hvað gerist næst, þetta var eitt þeirra. Þetta byrjaði allt á sakleysislegu dinner/eurovisionpartý. Elín, Oddur, Runi og Helgi kíkktu í bæinn. Fengum okkur kjúklingabringur, sem voru alveg "supreme", einstaklega góðar, þó svo ég segi sjálfur frá. Horfðum á keppnina og drukkum smá öl með, og smá hvítvín líka. Algjör snilld.

Úrslitin komu á óvart, verð ég að segja... þ.e. þó svo ég hafi haldið með Regínu og Frikka, þá bjóst ég einhvern veginn ekki við því að þau myndu sigra. Var farinn að hallast að Dr. Spock tæki þetta, en sem betur fer, varð það ekki raunin.

Oddur og Elín gáfust upp á okkur og fóru heim eftir að Euro-ið kláraðist (nei segi svona) Elín þurfti að vinna daginn eftir ;) - Ég, Helgi og Runi héldum síðan djamminu áfram og rifjuðum upp nokkra slagara frá því á Króknum. Það má segja að youtube hafi komið að góðum notum, þar sem hvert tónlistaratriðið var töfrað fram, já þetta var spez... þvílík tónlist samt ;) - Eftir nokkur símtöl til Höllu, þá var stefnan sett á partý, og ég veit barasta ekki hvar, veit bara að Helgi hringdi, og það án djóks, svona tíu sinnum í Höllu, til þess að spyrja hana, aftur og aftur. "Við hvaða götu húsið væri" - Við komumst loksins á leiðarenda, þ.e. við sóttum Birgittu (vinkonu Höllu) í húsið í götunni sem ég man ekki hvað heitir, og þaðan fórum við í Icelandair-afmælið, og þar var dvalið vel frameftir nóttu, með alveg fullt, fullt, fullt, af fólki sem gaman var að kynnast. Opinn bar og læti...jebb, and yes indead.

Mig minnir að þegar þarna var komið við sögu, þá ákvað Runi að hringja í Palla, alltaf jafn sætur í sér ;) - (svona svipað og þegar ég hringdi í þig á þjóðhátíðinni hérna í denn). Eftir að hafa dregið Höllu út, seint og um síðir, var stefnan sett niður í bæ, á Nasa, var það ekki annars planið?, tókum bara smá leigubíla rúnt, í leiðinni sko... ;) bara smá sko... fórum þaðan í svona "Húsið á hæðinni" partý, og ég hef barasta ekki neina hugmynd um hvar það var staðsett, það var allavegana, verið að endurinnrétta húsið að innan. Mjög spez innkoma, very interesting, i would say so. Samt rosalega gaman ;) - Eftir dágóða dvöl þar og mikið spjall, tókum við taxa heim. Greyið Halla sem þurfti að mæta í vinnu daginn eftir, mér skilst það hafi verið fjör hjá þeim stöllum, ahhh, það var gott að sofa út, hehe ;) Mér skilst sömuleiðis að Runi hafi slegið í gegn, þegar hann kom heim, var það ekki Elín? ;)

Allavegana, alveg ógleymanlega skemmtilegt djamm, sem verður endurtekið í kringum lokakeppnina í vor. Hef heyrt orðróm um þrefalt djamm þá, sel það ekki dýrara en ég keypti það.
Annars er bara allt gott að frétta héðan. Er alveg massa ánægður með lífið og tilveruna. Er byrjaður á ritgerðinni, og skemmti mér í vinnunni mánudaga, þriðjudaga og miðvikudaga. Frábær vinnustaður, og frábær starfsandi. Er líka með smá auka áhugamál, sem ég hef ekki mikið nefnt á nafn hér inni. Þið sem ´fílið ekki fótboltann, getið hætt núna, og farið yfir á næstu síðu.

Hef síðustu ár fjallað um meistaraflokksleiki KS/Leifturs, verið með upphitanir, umfjallanir og fleira fréttatengt er snýr að liðinu. Þetta er reyndar fimmta árið, sem ég geri þetta, en áhuginn vex bara og vex, með hverju sumri. Í ár tók ég upp á því að opna nýja síðu á moggablogginu, þar sem sú síða, býður alveg upp á heilmikið af möguleikum, varðandi myndir, tengla, og breiðara aðgengi að umfjöllun um íslenska knattspyrnu. Slóðin er ks-leiftur.blog.is

Sjáumst ;)

Góðar myndir gleymast seint...

2008-03-10T13:24:00.005Z

Ég hef alltaf haldið mikið upp á þessa, hún er tekin fyrir rétt rúmum tveim árum þegar Helgi, Palli og Runi kíkktu suður í hressilegt djamm. Þvílík mynd og þvílíkur svipur Helgi minn ;)

ARSENAL, ARSENAL, ARSENAL

2008-03-05T00:09:00.005Z

Ég er ekki vanur að tala upp fótbolta hérna, en ég verð bara að gera undantekningu í kvöld. Mér líður eins og mínir menn hafi orðið Evrópumeistarar, stórkostlegur leikur, hreint út sagt, og 0-2 sigur á San Siro, staðreynd. Ég grét í fyrri hálfleik, þegar brotið var á Hleb, og hann fékk gult spjald fyrir leikaraskap, var víst orðinn eitthvað tæpur... (rétt eins og dómarinn) og það bætti ekki úr skák þegar Fabregas smellti tuðrunni í slánna, andartaki síðar...

Seinni hálfleikurinn var síðan alveg svakalegur, mér leið eins og í spennutreyju... Milan líklegir til þess að gera sig líklega, allt þangað til Fabregas, ákvað að skjóta af 27 metra færi, beint í bláhornið!!! (Smellið á myndina til þess að sjá svipmyndir úr leiknum).

Það að Adebayor skildi síðan bæta öðru við, rétt undir lokin, gerði þetta bara enn sætara ;)

Er bridds ólöglegt?

2008-02-22T11:30:00.005Z

Birkir Jón Jónsson, þingmaður Framsóknarflokksins, tók um síðustu helgi þátt í skipulögðu fjárhættuspili. Fjárhættuspilið sem um ræðir er bridge en Birkir tók þátt í bridgemóti sem haldið var á Hótel Loftleiðum. Þátttakendur spiluðu allir upp á peninga, þátttökugjöld voru innheimt og verðlaunafé greitt út til þeirra sem best stóðu sig.

Fjárhættuspil af þessu tagi hefur verið afar umdeilt undanfarin misseri en lögregla stöðvaði á síðasta ári skipulagt bridgemót sem haldið var af forsvarsmönnum Bridgesambands Íslands.

Er bridds ólöglegt? Nei
Afhverju er póker ólöglegur? Það veit enginn...
Er verið að gera úlfalda úr mýflugu? Já, klárlega...
Hvað finnst ykkur, á að lögleiða póker?

Gísli Einars er stórkostlegur...

2008-02-19T22:42:00.003Z

...eins og sjá má á þessari mynd, þetta kallast að fórna sér ;)

„Gísli Einarsson fréttamaður RÚV á Vesturlandi stóð í ströngu sl. mánudag við myndatökur af vegaskemmdum sökum vatnavaxta í Borgarfirði. Að Svignaskarði ók hann strax um nóttina til að mynda hið risastóra skarð sem í þjóðveginn var komið. Aftur fór hann þegar dagsbirtu var farið að gæta. Til að ná sem bestum myndum af krapaflóðinu og stóru stykki sem var við það að losna úr vegkantinum, fékk hann vinnuvélarstjóra á fullvaxinni gröfu til að lyfta sér yfir vettvanginn til að ná góðri mynd þegar stykkið losnaði. Ekki vildi betur til en svo að hamagangurinn og vatnsflaumurinn varð meiri en ráð hafði verið fyrir gert og fór Gísli ásamt myndavél og búnaði á bólakaf í ískaldan flauminn. Enginn verður verri þó hann vökni, en vissulega var ekki þurr þráður á fréttamanni RÚV eftir atvikið. Afrakstur áhættuatriðisins mátti sjá í sjónvarpsfréttum strax um kvöldið. Meðfylgjandi mynd tók Laufey Gísladóttir af Gísla þegar hann var á leið í land“. (tekið af skessuhorninu)

This is my life

2008-02-19T16:02:00.006Z

Sæl öll

Í vetur hefur fjöldi Eurovisionlaga hljómað á laugardagskvöldum og sungið sig inn í hjörtu landsmanna... (það sést á áhorfskönnunum). Þessi fullyrðing á þó ekki við um mig, því fyrir mitt leyti hefur lagafyrirkomulagið, vægast sagt, ekki verið að gera sig. (nenni ekki að koma með rök fyrir máli mínu, hefði frekar kosið óbreytt fyrirkomulag). Upp úr þessum lagapotti hafa þau komið, hvert af öðru, nokkur í lagi, en ansi mörg, frekar döpur, og jafnvel léleg...

Mínar pælingar fyrir úrslitaþáttinn, segja að lögin sem vert sé að fylgjast með, séu þrjú talsins. Þau ættu öll að geta komið til greina sem næsta framlag Íslendinga.

1. Fullkomið líf, eða eins og það útleggst á ensku - This is my life

"Fullkomið líf" verður þá flutt á ensku. Ég var að heyra þessa útgáfu í dag og hún lofar góðu, fyrir Europopfrík eins og mig. Trans dance, og læti. Þau geta allavegana sungið, og það skiptir máli þegar út er komið... þrælgott euro-thrash ;)

2. Hvað var það sem þú sást í honum

Þeir eru svolítið skrýtnir. Og það virkar fyrir mig, ég reyndar fíla Bagglút í tætlur, og því skiptir það ekki máli hvernig þeir flytja lagið. Þeir tjúnnuðu það hins vegar skemmtilega upp, og yfir í Geirmund Valtýs. Ég er gjörsamlega að "fíla það", hvernig svo sem úrslitin verða. Saxafónninn, say no more ;)

3. Ho, ho, ho, we say, Hey, hey, hey

Ho, ho, ho, we say Hey, hey, hey, er frábært og grípandi lag, en lengra nær hrósið ekki, allavegana ekki eftir að ég heyrði í því, þar síðasta laugardagskvöld, sorrý og með fullri virðingu fyrir söngkonunni, þá var þetta "awful" performance og á ekki skilið að fara áfram.

Hvað finnst ykkur annars, búin að kaupa ykkur miða í Smáralindina?
Express your feelings

Eurovision

2008-02-13T22:11:00.004Z

Það er ekki seinna, en vænna að fara að hita upp fyrir Eurovisionkvöldið, hérna heima sem verður eftir aðra helgi. Ákvað því að taka saman nokkur tilkippileg sigurlög úr Eurovision, allt gert fyrir ykkur ;)

Vicky Leandros - Apres toi
Gali Atari, Milk & Honey - Hallelujah
Bucks Fizz - Making your mind up
Nicole - Ein bisschen Frieden
Bobbysocks - La det swinge
Sandra Kim - J'aime la vie
Katrina & the Waves - Love shine a light

Síðan hérna, eitt sem hefði átt að vinna ;)

Datner & Kushnir - Shir Habatlanim

Útsendingar á netinu...

2008-02-10T14:31:00.000Z

Ég er svo lengi að fatta ;) - Var að koma þessu upp, þetta er algjör snilld. Sérstaklega fyrir þig Runi, ef þú vilt horfa á NBA, eða bara eitthvað annað, það er fjölmargt í boði...

Yfirlit yfir stöðvar:

Sopcast: Þið verðið að sækja þetta fyrst, ef þið gerið það, þá eruð þið fær í flestan sjó ;)

Með kv. Nonni, og áfram Man City ;)

Á hverju ertu eiginlega? Góurinn

2008-02-09T01:17:00.000Z

Ég er í bloggþörf, veit eiginlega ekki hvað er að gerast. Ég varð bara að vekja athygli á þessari frétt sem birtist á Vísi um kvöld-matarleytið í gær. Það er greinilegt að Hjörleifur Kvaran, forstjóri Orkuveitunnar hefur farið öfugumegin fram úr rúminu og skallað vegg í leiðinni... ;)

tilvitnun: „Hjörleifur Kvaran, forstjóri Orkuveitunnar og fyrrverandi borgarlögmaður, segist ekki muna nákvæmlega eftir því hvort Vilhjálmur Vilhjálmsson hafi leitað til sín um hvort hann hafi haft umboð til að taka ákvarðanir á eigendafundi Orkuveitunnar á sínum tíma.“

tilvitnun: „Ég þarf nú að rifja þetta upp en ég geri ábyggilega ráð fyrir því að hann hafi gert það,"

tilvitnun: „Ég dró það aldrei í efa að hann hefði umboð til að taka þessar ákvarðanir og ef ég hefði gert það hefði ég væntanlega sagt honum það," segir Hjörleifur. „Þetta voru ákvarðanir sem ekki rýrðu efnahag Orkuveitunnar, frekar var það á hinn veginn. Á þessum tíma var ég í miklu og stöðugu sambandi við Viljhjálm og það er ljóst í mínum huga að hann var í rétti í málinu."

Og þessi maður er forstjóri Orkuveitunnar... já svei mér þá, og lögmaður líka, já svei mér þá...

In my place (Vaka vs Röskva)

2008-02-08T13:40:00.000Z

En já hvert var ég kominn, áramótin á Sigló, alveg rétt ;) - Þau voru góð, þó svo að það hefði ekki verið neitt áramótaball, það var allt lokað, ekki einu sinni pöbbinn opinn, líkt og í fyrra, að mig minnir. Að vera í jólafríi til 7. janúar var líka óborganlegt, en við komum suður þá... skólinn byrjaði viku síðar, en vinnan strax...

Síðustu vikurnar hafa verið brjálæðislega skemmtilegar, dagskráin þéttskipuð og það hefur verið gaman að vinna undir álagi. Vinna á mánudögum, þriðjudögum og miðvikudögum, og skóli á föstudögum. Síðan tók ég það að mér að sitja í kjörstjórn fyrir Vöku, en Krissi hringdi í mig skömmu eftir áramót og bauð mér þetta. Þetta var eitthvað nýtt og vonandi skemmtilegt sem mig langaði rosalega að prófa. Ég sé ekki eftir því, þó svo að Vaka hafi tapað með sex atkvæðum í gær. Það að sitja á kjörstað, og hreinlega að komast á kjörstað í gær var ævintýralegt. Það að vera 40 mínútur úr Þverbrekkunni yfir í Læknagarð (Við hliðina á BSÍ) er bara djók, það var allt stopp. Var sennilega 30 mínútur á Nýbýlaveginum sjálfum. En þetta hafðist. Kjörsóknin féll líka talsvert niður seinni daginn, hjá mér, minnkaði hún t.d. um þriðjung.

Talningin gekk síðan vel síðar um kvöldið, þ.e. á fimmtudagskvöldinu. Það stemmdu nær allir kjörstaðir, og það var alveg hræðilega jafnt á með fylkingunum, þegar maður flokkaði atkvæðin niður, spennan var magnþrungin, það var sömuleiðis ólýsanlegt að vera þarna þegar fyrsta talningin stóð yfir, (fyrir Háskólaráðið), þar munaði 6 atkvæðum, og þar var ekki talið aftur, þar sem hvor fylking fékk, hvern sinn manninn inn.

Í talningunni í Stúdentaráðið var hins vegar ljóst að telja þyrfti aftur, ef mjótt yrði á mununum. Eftir fyrstu talningu munaði 8 atkvæðum á Röskvu og Vöku, Röskvu í vil. Þá fórum við í það að skoða öll atkvæði aftur (mjótt á munum), þá kom í ljós að eitt Vöku-atkvæði hafði flust yfir í Röskvu búnkann. Þá var talið aftur, en eftir þá talningu munaði 6 atkvæðum, og til þess að vera 100% viss, var talið aftur til öryggis.

Eftir þetta var gengið frá, úrslitin samþykkt og tilkynnt korteri síðar (Um klukkan korter yfir tvö). Vil bara annars þakka þeim góða hóp sem ég starfaði með. Það má segja að allt hafi gengið upp!!! Kjörstórn, Stebba fyrir að hafa leyst mig af á miðvikudeginum, og öllum því kosningaeftirlitsfólki sem nennti að sitja með mér á kjörstað, þetta var strembið, en í alla staði skemmtilegt - Mæli með þessu ;)

Þangað til næst, over and out!!!

This is the life

2008-02-01T00:05:00.000Z

Er lægð yfir landinu, eða hvað?

Það hefur allavegana vantað svolítið upp á bloggtaktana síðustu misserin. Það verður vonandi bragarbót, á þar sem ég og Palli höfum gert heiðurssamkomulag okkar í milli, og já ég er heftur á geði, sjá link

En já, það er víst kominn febrúar, jólin búin og janúar líka. Öll jólaprófin kláruðust með stæl, og núna er þetta að taka enda, er búinn að tala við Ómar H. Kristmunds um að umsjóna mér við BA-ritgerðina, en ég fór á fyrirlestur hjá Ásgeiri Jónssyni um ritun lokaritgerða, það var stórgóður lestur, sem á eftir að hjálpa mér mikið. (Þess má geta að Ásgeir er sonur Jóns Bjarna, og því bróðir Páls Kolka). Það kom skemmtilega á óvart, en samt ekki, þeir eru nauðalíkir...

Jólin voru yndisleg... eins og alltaf, ég tók síðasta prófið 20. des, og daginn eftir brunuðum, ég og Kristín norður. Stoppuðum hjá Palla, þegar við komum á Krókinn, og kíkktum á nýju íbúðina, þetta hafðist í annað sinn, Palli minn ;) - Eftir gott spjall, var haldið áfram... komum við hjá Afa á Sleitó, (það var gaman að hitta á kallinn, sem var að bardúsa, eitthvað úti í skemmu)... Ávallt, hress og skemmtilegur. Að því búnu héldum við áfram. Á Sigló var lífinu tekið með stakri ró, reyndi eftir fremsta megni að fara í heimsókn til ættingja, svona eins og gengur og gerist, en umfram allt var gott að vera kominn heim...

Fór síðan á Krókinn milli jóla- og nýárs, í partý til Palla. Djammið var heima hjá Heinesen, sem tók vel á móti, líkt og alltaf... jólaglögg, ostar, kex og aðrar kræsingar voru í hávegum hafðar. Horft á enska boltann, slakað á, og bjór teigaður... fullkomið líf... Páll Óskar skemmti síðan síðar um kvöldið, á Barnum. Þar var stappað, og þar var hiti og sviti... Þetta var eiginlega í fyrsta skipti sem ég komst ekki alveg í taktinn, + vesenið með hljóðkerfið, og það að búið var að slökkva á öllu klukkan þrjú, það hafði áhrif, engu síður góður hittingur sem við verðum að endurtaka við tækifæri...

Daginn eftir var haldið heim á Sigló, ætlaði lengi vel ekki út um kvöldið, en Kristín og Kári drógu mig með. Páll Óskar gat ekki klikkað aftur, og það gerði hann ekki ;) - Fjöldinn var líka þægilegri í þetta skipti + það að umgjörðin heima var nokkrum klössum ofar... Það að labba heim á skyrtunni gerði þetta líka eftirminnilegra...

(FRAMHALD)

2007-12-23T13:36:00.000Z

Jólin 2007

Ég vil óska öllum, sem mig þekkja
gleðilegra jóla og farsældar á nýju ári
þakka stundirnar á árinu sem er að líða

Með jólakveðju frá Sigló, Jón Óðinn

GAMLI GÓÐI VILLI (3990)

2007-10-12T11:55:00.000Z

Góðan og blessaðan daginn

Ég var á kafi í vinnu í gær þegar ég fékk eftirfarandi skilaboð frá Palla: „Búinn að frétta? Meirihlutinn í borginni sprunginn!“ Ég varð fyrst og fremst hissa, en síðan kom upp glott innra með mér, mér leið eins og blaðamanni, sem hafði óvænt fengið frétt ársins upp í hendurnar. Þessu átti ég alls ekki von á, þó svo að viðtalið sem Sigmar tók við Dag B, og Þorbjörgu Helgu í Kastljósinu kvöldið áður, hafi gefið einhverjar vísbendingar (svona eftir á allavegana). Þar sást langar leiðir, þegar Sigmar æsti Þorbjörgu upp, hún komst á flug, hún varð reið. Alltaf gaman að fylgjast með slíkum umræðum, og ekki síst hjá stjórnmálamönnum. Sigmar stóð sig með prýði, líkt og í gærkveldi, þegar tíðindi dagsins voru reifuð. Það er greinileg ólga innan Sjálfstæðisflokksins (klúður innan þeirra raða), og Villi Vill, er þess vegna ekki sá vinsælasti þessa dagana, pólitískum ferli hans er lokið, það sjá allir. Bingi sá sér hins vegar leik á borði og nýtti tækifærið til fulls, fyrir vikið stendur hann upp sem sigurvegari. Andlitið datt af Sjálfstæðismönnum, líkt og hjá Framsóknarmönnum í vor, eftir Alþingiskosningarnar, þeir voru svekktir, þeir voru reiðir. (Voru Framsókn að launa Sjöllunum greiðann?, það held ég). Það er með öllu ljóst að Framsókn starfar ekki með Sjálfstæðismönnum, á næstunni..., það er spurning hvort Kópavogur sé næstur? Ég er ekki vanur að blogga um pólitík, en eftir að hafa skoðað Baggalút, þá bara varð ég...

„Loksins er hún aftur fáanleg þessi elskaða sjálfsævisögulega kennslubók í lestri. Hér er farið yfir feril gamla góða Villa í hnitmiðuðu og skemmtilegu máli. Kjörið lærdómsrit fyrir yngstu lesendurna til að kynnast innviðum borgarpólitíkurinnar í hnotskurn.“

Brot - 1. kapítuli:

Gamli góði Villi lenti í vandræðum.
Það voru heilmikil vandræði.
Hann sagði:
Hver ber ábyrgð á þessu rugli?
Bjarni Ármannsson sagði: Ekki ég.
Guðmundur Þóroddsson sagði: Ekki ég.
Björni Ingi sagði: Ekki ég.
Gamli góði Villi sagði:
Nú, þá hlýtur það að vera ég.

Leiðbeinandi verð: 94.000 kr

Þangað til næst, með kveðju
Nonni

Koma svo... (3847)

2007-09-24T11:28:00.000Z

Sæl öll, öll þið sem enn nennið að skoða bloggið ;)

Hér er allt komið í fastar skorður, Kristín og Arnar komin suður, skólinn byrjaður og vinnan á sínum stað. Sem sagt allir í góðum fíling. Núna vefst mér hins vegar tunga um tönn, get þó hins vegar alltaf talað um fótbolta, og í því sambandi þá eru KS/Leiftur komnir upp í 1. deild. Frábær árangur hjá strákunum, en það voru ófáar ferðirnar, farnar norður, seinni hluta tímabilsins. Sló persónulegt met frá því ég flutti suður. Þetta endaði síðan með því að ég og Kristín fórum á lokahófið á Sigló, (um um þar síðustu helgi, en leikurinn var á Ólafsfirði fyrr þann laugardag). Skemmtunin sjálf var stórgóð, með frábærum skemmtiatriðum og flottum mat. Nú er það bara 1. deildin á næsta ári, og vonandi með KR- innanborðs, vonandi...vonandi...vonandi.

Verð síðan að minnast á enska boltann... Arsenal á toppnum og því minni ég á þennan:
Which ship has never docked in Liverpool? Svarið er einfalt og snjált... The Premiership... þetta er til ykkar strákar ;) -

En já Arsenal á toppnum, og ég ekki með enska boltann. Það er ótrúlegur andskoti. Ætla þó að standa við mitt, og versla ekki hjá 365, fyrr en prísinn hefur lækkað, nú eða að bindisamningurinn verði í 10. mánuði, í staðinn fyrir TÓLF. Ótrúlegt svínarí... Læt ekki vaða yfir mig, ólíkt öðrum Íslendingum sem kvarta yfir áskriftarverði, en gera ekkert í því. Players er betri valkostur ;)

Svona að lokum svo að þeir sem nenntu að lesa þetta yfir, verði ekki fyrir algjörum vonbrigðum, þá lýk ég þessu á öðrum góðum... hef þetta í smáu letri svo Arabarnir sjái þetta ekki...

--------
An Arab was interviewed at the US Embassy for a U.S.A. Visa:

Consule: What is your name?
Arab: Abdul Aziz

Consule: Sex?
Arab: Six to ten times a week

Consule: I mean, male or female?
Arab: Both male and female and sometimes even camels

Consule: Holy cow!
Arab : Yes, cows and dogs too!!!!

Consule: Man,........isn't it hostile?
Arab: Horse style, dog style , any style

Consule: Oh..........dear !
Arab: Deer? No deer, they run too fast !
--------

Einn góður, myndir merktar m/bláu (3470)

2007-07-26T11:32:00.000Z

Er bara helvíti góður, hvað með ykkur?

Fór norður um síðustu helgi, og þá aðallega til að vera viðstaddur brúðkaupið hjá Skarphéðni og Guðrúnu, sem giftu sig á laugardeginum. Mjög langt síðan ég fór síðast í kirkju, en þetta var afskaplega falleg athöfn. Veislan kom í kjölfarið, en hún var haldin á Ketilási. Glæsilegt í alla staði.

Gleymdi að minnast á það í innganginum að veðrið var rosalegt og hitinn óbærilegur, og þá sérstaklega á föstudeginum. Svona til viðmiðunar þá hefur veðrið hér fyrir sunnan verið yndislegt, þó svo að svona hlýindi hafi ekki látið sjá sig... En hvað um það, rétt eftir að ég kom í bæinn, skellti ég mér í sláttur hjá Ömmu, og að því loknu var farið beint í grill, heim til mömmu og pabba, grillað folaldakjöt var á boðstólnum, algjört lostæti...

Laugardagurinn fór eins og ég sagði hér að ofan, að mestu í brúðkaupið, en að því loknu, síðar um kvöldið, fórum ég, Kristín, Hreiðar, Venni, Ragnheiður og Skarphéðinn á tónleika með Ragnheiði Gröndal í Gránu. (Sem voru magnaðir, ég naut mín allavegana til fulls, og það má í raun segja að það hefði ekki verið hægt að enda daginn á betur.). Það var að sjálfsögðu stappað í húsinu, allir bekkir fullir niðri, og auka stólar út um allt, líka uppi. Ég var að koma þarna inn í fyrsta skipti og hreifst mjög.

Á sunnudeginum, fljótlega upp úr hádegi, var lagt af stað suður, Hreiðar fékk að fljóta með, og ferðin gekk bara vel. Stoppuðum reyndar í Borganesi til þess að kaupa inn, og í Mosfellsbæ, vegna vinnunnar. Ég skutlaði Hreiðari, því næst til frænda síns, og fór síðan heim að elda...

Í Þverbrekkunni er allt á rúi og stúi ;) - er nefnilega að mála baðherbergið og stefni að því að klára í kvöld, allt saman glæsilega gert, þ.e. fagmannlega unnið, verst bara hvað þetta er leiðinlegt. Gæti aldrei unnið við þetta... Og þar sem þetta er orðinn svo hundleiðinlegur pistill, þá langar mig að enda þetta á einum góðum... Gjörið svo vel ;)

--------
A very loud, unattractive, mean-acting woman walked into Wal-Mart with her two kids, yelling obscenities at them all the way through the entrance.
The Wal-Mart Greeter said pleasently: Good morning and welcome to Wal-Mart. Nice children you have there. Are they twins?

The ugly woman stopped yelling long enough to say: Hell no, they ain´t. The oldest one´s 9 and the other one´s 7. Why the hell would you think they´re twins? Are you blind, or just stupid?

I´m neither blind nor stupid, Ma´am", replied the greeter. I just couldn´t believe you got laid twice. Have a good day and thank you for shopping at Wal-Mart.
--------

Góða helgi, öll sömul

Húnavakan, stuttur pistill (3366)

2007-07-17T11:55:00.000Z

Gaman að sjá ykkur - Vil sömuleiðis taka það fram áður en lengra er haldið að Bryndís Fanný tók myndirnar. Það er bara ekki hægt að hafa blogg, án mynda ;)

Héðan er allt bærilegt að frétta, er reyndar að jafna mig eftir síðustu helgi sem var í einu orði stórkostleg. Eftir nokkra umhugsun, og nokkur símtöl norður ákvað ég að skella mér á Húnavöku á Blönduósi. Hún sveik sko ekki. Til þess að gera langa sögu stutta, þá hætti ég snemma í vinnunni á föstudeginum, snérist smá fyrir mömmu og pabba í bænum, áður en ég lagði í hann norður. Ferðin sóttist vel, þó svo að umferðin hefði verið með þyngra móti. Tók þessu með jafnargeði og keyrði í rólegheitum. Stoppaði ekkert og var kominn í bæinn rétt rúmlega hálf sex.

Þar var tekið á móti manni eins og um kóng væri að ræða. Takk fyrir frábærar móttökur, Runi, Elín og Oddur. Það kom mér líka á óvart að sjá Runa skúra íbúðina, drengurinn fór á kostum, hehe. Um kvöldið kíkti hópurinn svo á Essó-Skálann og settist þar að snæðingi, fórum síðan aftur heim í íbúð og héldum smá upphitunarpartý fyrir laugardagskvöldið. Sannarlega mjög góður hittingur.

Á laugardeginum var svona reynt að sofa út, (svona eftir mesta megni), og koma sér síðan í gang fyrir daginn. Við skelltum okkur því næst á meistaraflokksleik, þar sem Hvöt lék gegn Hvöt. Sjá nánar hér – Leikurinn var stórgóð skemmtun, þar sem leikið var 2x 30 mínútur. Ég minnist líka frænda Runa sem kallaði hann Skallagrím, (svona líka þetta snilldar "comment" sem mikið var hlegið af ;) – guttinn var algjör snillingur... - Að leik loknum var farið yfir í Íþróttahúsið og miðar á ballið keyptir fyrir kvöldið...(Í Svörtum Fötum).

Fórum síðan að gera okkur klár fyrir matinn, en hópurinn (Ég, Runi, Elín, Oddur, Bryndís, Elín Ósk, Guðrún Ásta og Signý, er vonandi ekki að gleyma neinni) áttum pantað borð á Veitingastaðnum Pottinum og pönnunni. Þar fengum við dýrindismáltíð og hvítvín með. Stórglæsilegt í alla staði og virkilega flottur staður verð ég að segja.

Að mat loknum var tekinn smá rúntur, og síðan brunað heim í íbúð og í partý sem átti eftir að verða ansi skrautlegt ;) – hehe. Þar bættist Thelma í hópinn ásamt því að Tinna kærastan hans Karvels kíkkti inn, algjör synd að félaginn hafi ekki komið með henni norður.

Fullt af öðru fólki kom líka, sem ég veit ekki nánari deili á, sorry... Drykkjuleikurinn sló í gegn, og fólk skemmti sér alveg svakalega. Þegar líða tók á og fólk var farið að ærast í blokkinni (nei ég segi svona), fór fólk að tínast á ballið, sem var by the way, algjör snilld. Hljómsveitin var margfalt betri núna, en um síðustu Versló (fyrir austan á Neistaflugi). Það var sömuleiðis mikill fjöldi á ballinu sem stóð til að verða fjögur.

Það var erfitt að vakna daginn eftir, og það segi ég fyrir hönd okkar allra. Þynnkukjúklingurinn lagðist líka misvel í fólk ;). Eftir að vera orðinn svona sæmilega góður, þá lagði ég á stað suður, rétt rúmlega þrjú. Það átti síðan eftir að reynast happadrjúgt, því ég kom nokkuð snemma í bílaröðina og þurfti því ekki að bíða lengi (30 mín), og var ég þó mjög framarlega, sjá hér - Mér skilst að Thelma hafi verið tvo tíma frá Hvalfjarðargöngunum og að Reykjavík. Úff, ég hefði ekki meikað það...

En hvað um það, stórskemmtileg helgi að baki og brúðkaup framundan um næstu helgi. Þá verður haldið heim á Sigló. Það styttist líka í Versló, en það er 99,99% öruggt að ég verði á Sigló. Nauðsynlegt að komast aðeins heim og hlaða batterí-in. Leyfi nokkrum fleirum myndum að fljóta með, sem hún Bryndís tók, eins og áður segir - Sjáumst, og takk fyrir æðislegt djamm.

Kv. Nonni

„Styttan sem talar“

2007-07-06T11:43:00.000Z

Ein góð ;)

„Ég var staddur á Austurvelli þegar ég heyri rödd að ofan. Við það verð ég sleginn miklu felmtri og lít í óðagoti upp. Sé ég þá að styttan af Jóni Sigurðssyni horfir niður og talar til mín: „Össur, Össur, ég er búinn að standa hérna áratugum saman og ég er orðinn þreyttur. Sæktu mér hest, sæktu mér hest.“ Við þetta brá mér verulega. Hljóp ég inn í Alþingishúsið, ráðvilltur mjög, og hitti þar fyrir Sigurð Kára Kristjánsson fyrstan mann. Ég segi við hann að það sé eitthvað mjög skrítið að gerast. Ég sé farinn að heyra raddir. Við rjúkum saman út á Austurvöll að styttu Jóns. „Hlustaðu,“ segi ég, og viti menn, styttan talar! Við Sigurður Kári lítum upp og viti menn: Styttan segir: Össur, Össur, ég bað um hest en þú komst með asna!“

Góða helgi, m.kv. Nonni

Muse: Butterflies and Hurricanes

2007-06-20T14:03:00.000Z

Sæl öll

Hef þetta stutt að þessu sinni. Langaði bara að benda ykkur á þetta stórgóða lag með Muse ;) Butterflies and Hurricanes

Önnur góð má nefna Time is Running Out & Starlight

Með kv. Nonni

Aftur komin helgi!!!

2007-06-15T10:35:00.000Z

Sælir bloggunnendur!!!

Ákvað að smella mér í eina færslu núna, enda liggur vel á félaganum og stutt síðan ég bloggaði síðast. Fór á bekkjardjamm síðasta laugardag, sem var by the way algjör snilld, frábært hvað bekkurinn er duglegur að hittast ;)

Tilefni þessarar færslu er þó annað, og meira svona öðruvísi blogg, en þetta vanalega. Ákvað að taka til og kynna fyrir ykkur 5 lög, ýmist þekkt, óþekkt eða athyglisverð. Þau urðu náttúrulega að vera góð, nema kannski það 1. sem ég þoli ekkert sérstaklega vel.

Hér að neðan má sjá þau lög, sem ég fann í fyrradag þegar ég var að leita af lagi nr. 5. Enjoy*

1. Það fyrsta ættu allir að kannast við, en það nefnist Molotow Cocktail Party eftir Vivi Bach & Dietmar Schonherr. Athyglisverður flutingur þar á ferð, sem við þekkjum betur í útsetningu Baggalúts.

2. Annað lag sem ég fann að þessu tilefni nefnist Broken Arm, og er með hljómsveitinni Winterpills. Þetta er algjörlega þess virði að hlusta á ;) - Mjög gott og minnir mig alveg rosalega á Írsku systkinin í bandinu Corrs.

3. Það þriðja heitir Simple Plan og er magnað, hreint út sagt. Laglínan og viðlagið, hef ekki lýsingarorð til þess að lýsa þessu!!!

4. Fjórða lagið er hinsvegar spez, ég mæli með, að þeir sem eru ekki með háhraðatengingu sleppi því að hlusta, minnir á Grýlurnar og nefnist On Parade

5. Að lokum er það rúsínan í pylsuendanum. Hljómsveitin "Band of Horses" flytur lagið sem nefnist The Funeral. Stórkostlegt lag!!! Smellið á myndina til þess að sjá myndbandið, en hér til þess að hala því niður á (mp3).

Góða helgi ;)

Flaskan mín fríð

2007-06-08T12:06:00.000Z

Sæl öll, (varð bara að byrja bloggið með mynd af þér Mr. "Heinesen"). Alveg svakalegt ljósmyndalúkkið á þessari ;)

En allavegana, það er komið að bloggi, og kannski kominn tími til. Hef lengi ætlað að smella hingað inn færslu, en áhuginn hefur verið eitthvað takmarkaður af minni hálfu. Það er að sjálfsögðu mjög lítið að frétta, þar sem stór hluti dagsins, fer núorðið í vinnu og svefn til skiptis. Fékk reyndar góða heimsókn frá Palla og Oddnýju um daginn, sem komu mér skemmtilega á óvart, líkt og Helgi Bóndi þar á undan. Bið fyrir borgarkveðju, norður og austur.

Það er varla að ég muni lengra aftur,,,, nema kannski að Eurovision & kosninga/teitinu sem ég og Kristín, héldum heima hjá mér, fámennt en góðmennt var yfirskrift þess. Úr þessu öllu saman, varð virkilega góð skemmtun, þar sem hápunkturinn var án efa, þegar Hreiðar stökk út á Nýbýlaveg og húkkaði á tvo taxa fyrir liðið, en eins og fólk veit, sem ætlaði í bæinn, þá var ekki sénsinn að reyna að hringja inn, (5-88-55-22), virkaði sem sagt ekki. Algjört topp kvöld, þar sem góður vinahópur skemmti sér ærlega yfir kosningunum, og sigurlagi Eurovision frá Serbíu.

Dagurinn sjálfur hafði byrjað á því að ég fór í próf í Opinberri Stefnumótun, einstaklega fjörugt að byrja kosningadaginn á þessum nótum og það á laugardegi. Var líka dauðfeginn að komast út, og aftur upp í Kópavog, því næsta mál á dagskrá, var að skella sér upp í Kópavogsskóla og kjósa, þar var að sjálfsögðu engin bið, svo þetta rann allt ósköp, ljúflega í gegn. Því næst var Þverbrekka 4 tekin með trompi, og gerð klár fyrir kvöldið. Allt shine-að hátt og lágt, eða svona næstum því :) - Ferð í Smáralindina fylgdi síðan fljótlega i kjölfarið, mig minnir að ég hafi skroppið í Ríkið, er samt ekki alveg viss ;) - Vorum allavegana búin að kaupa inn fyrir kvöldið,,, grillmat og grill, það síðarnefnda sló síðan alveg rækilega í gegn, þar sem það var svona nettur Verslunarmanna(Helgar)-fílingur yfir þessu, (grillin voru einnota), ætti kannski ekki að vera að segja frá þessu, (hóst). Mér skildist líka á Palla að hann hefði skemmt sér vel yfir grillinu, hehe - Annað sem varð líka algjör hittari var Doritos-rétturinn hans Hreiðars sem sló rækilega í gegn, (Fæ svona Hómer mómentó) við að skrifa þetta). Algjörlega frábær matur, þar sem eftirrétturinn setti síðan punktinn yfir i-ið.

Eftir að Eurovision lauk tók kosningavakan við, þar sem beðið var eftir fyrstu tölum með mikilli eftirvæntingu. Það urðu því áköf fagnaðarlæti á vinstri-vængnum eftir að fyrstu tölur lágu fyrir... Ég var fyrir mína parta allavegana mjög glaður ;) - Mér skilst að það hafi verið nóg af veigum, sem kláruðust líka mestan partinn, ástandið á fólki var líka ansi misjafnt, ég hugsa líka að ég viti núna afhverju Hreiðar var svona viljugur að skella sér út á miðjan Nýbýlaveginn. Ástæðan jú, þegar við komum niður í bæ, var enginn Hreiðar... sjálft skemmtanaljónið hafði gefist upp og tekið taxa heim, hehe, þvílíkur snillingur...

Í bænum var þetta venjubundna rölt tekið, með misgóðum árangri. Runi, Palli og Oddný fóru síðan aðeins fyrr heim, á meðan ég og Kristín stöldruðum aðeins við á Celtic Cross, þar sem við ílengdumst aðeins með bekkjarsystrum hennar. Bílaleiguröðin reyndist Runa ofviða svo hann byrjaði að ganga út á Seltjarnarnes,,, komst að Hjarðahaganum, félaginn, en þar stoppuðu Palle og Oddný fyrir honum.

Og leigubílaröðin var síðan hreint helvíti, þegar við komum að henni. Við tók mjög löng bið, sem varði líkast til í um klukkutíma. Vorum því afskaplega fegin að komast heim snemma um morguninn.

-Mig langar síðan að benda ykkur, á MSN-ið mitt sem er nonni_r@hotmail.com (nonnibandstrikniðriathotmaildotcom)

Over and out!!!

Sleikti sumarið

2007-04-23T12:43:00.000Z

Sæl öll!!!

Ætlaði að smella þessari færslu hingað inn um síðustu helgi, en það fórst eitthvað fyrir mér. Héðan er að sjálfsögðu allt gott að frétta, skólinn að klárast og prófin að byrja. Að ógleymdum kosningunum framundan. Förum ekkert nánar út í þá sálma að sinni. Hins vegar tókum við systkinin smá rúnt á Sumardeginum fyrsta, frá Hallgrímskirkju, niður eftir Skólavörðustígnum, Laugaveginum, Austurstræti og að Ingólfstorgi.

Ég tók myndavélina með, og þar sem þetta eru slagfærar myndir, þá leyfi ég þeim að fylgja með ;) Veðrið var bara nokkuð gott, þó svo að það hafi verið ansi napurt á þeim svæðum sem sólin náði ekki til. Mikill fjöldi fólks var í bænum, og flestir eflaust að fylgjast með húsunum sem höfðu brunnið daginn áður. Hreint og beint nöturleg sjón að sjá aðkomuna, eins og sjá má á myndunum hér að neðan.

Eftir að hafa staldrað við í nokkra stund og hitt m.a. Palla Ágústu fyrir utan Hressó, var haldið áfram og niður að Ingólfstorgi. Þar var splæst í Bragðaref, sest niður og slappað af. Þessa mynd tók ég einmitt þar, á meðan ég dásamaðist af hjólinu, sem var by the way, "algjör klassi". Eftir dálitla pásu var síðan haldið áfram og tilbaka niður í Lækjargötu, upp að MR og síðan með nokkrum krókaleiðum aftur upp að Skólavörðustígnum. Við Hallgrímskirkjuna stoppuðum við í nokkra stund. Magnað mannvirki og þá sérstaklega þegar inn var komið, fórum þó ekki í turninn, en það er næsta mission.

Læt þetta gott í bili, en hugsa þó að ég komi með svakalega færslu eftir djammdag ársins, eins og ég kýs að kall´ann.

Með kv. Nonni

Þetta lag kallar á færslu,,,

2007-04-17T09:44:00.000Z

Sæl öll

Ég verð víst að éta hattinn minn, og ástæðan fyrir því er að Frakkar senda nú í ár, lag sem ég skilgreini "fyndið", en ekki eitthvað drepleiðinlegt, líkt og undanfarin ár. Tek því aftur orð mín sem ég viðhafði á síðunni hans Palla um fyrirkomulag keppninnar:
„Að Frakkar kæmust þá kannski ekki áfram á hverju ári, en þeir hafa verið með sama lagið frá 1970.“

Hér má sjá framlagið: Les Fatals Picards - L'amour a la francaise

Úti á lífinu, um næstu,
kv. Nonni

Mig langar sko ekkert að blogga!!!

2007-03-27T12:40:00.000Z

Sæl öll

Eins og fyrirsögnin gefur til kynna, þá er ég algjörlega snauður af hugmyndum varðandi þetta blessaða blogg. Skólinn gengur vanaganginn, líkt og vinnan. Kláraði að taka lokapróf í Málstofu: Fjölmiðlar og stjórnmál, sem átti þó að vera próflaus áfangi,,, hmm,,, giskið þrisvar hver kenndi,,, Er umdeildur og byrjar á H... - Prófið gekk hins vegar mjög vel...

Annað sem mig langar að deila með ykkur er óþægileg lífsreynsla frá síðastliðinni helgi.

Innskot: „Þannig er nú mál með vexti að ég fór í fermingu til bróðir míns um síðustu helgi, nánar til tekið á sunnudeginum. Á heimleiðinni, eða um klukkan hálf sjö, eftir annars mjög góða veislu, var ég að keyra á Reykjanesbrautinni og nýkominn fram hjá afleggjaranum til Njarðvíkur. (Var ekki kominn á tvöföldunina), þegar ég sé skyndilega að það kemur bíll beint á móti mér, þ.e. kominn yfir á minn vegarhelming og stefnir beint framan á mig. Sá ekki hvort hann var að reyna framúrakstur við annan bíl sem kom á móti, en allavegana þá var þetta helvítis fíflaskapur, sem endaði með því að hann fór út á vegöxlina hægri megin, (séð frá mínu sjónarhorni), og þannig mættumst við, þ.e. ég var vinstra megin á hægri helmingi vegarins, eins og myndin sýnir og hann hægra megin, á þessum sama helmingi (séð frá mér). Hefði vegöxlin ekki verið, hefði hann, annaðhvort kastast út í móa, eða lent framan á mér,,, Var gjörsamlega í leiðslu eftir þetta, og tilhugsunin, hvað ef, og kaldur hrollur fylgdu í kjölfarið.“

Eru síðan einhverjir hissa á því að fólk sé að slasast og jafnvel deyja, þegar svona vitleysingar setjast undir stýri. (Myndin hér til hliðar tengist þessu ekki á nokkurn hátt).

~Bið að heilsa, og sendi kærar kveðjur til sjávar og sveita~

Kannski bara eitthvað... gamalt og gott

2007-03-02T10:47:00.000Z

Sæl öll,

Það er ekki frá miklu að segja, þó svo að helgin sé búin, nóg að gera í skólanum, rétt eins og í vinnunni. Ég ætla þó ekki að kvelja ykkur með slíkum ævintýra-sögum ;) Eurovision er miklu betra umræðuefni, og í tilefni af því ákvað ég að reyna að finna þessi blessuðu lög sem komin eru áfram, hér er slóð á eina ágætis síðu, veit þið eru sleip í dönskunni ;)

Eurovision 2007:

Rauðhærð Euro(sk)vísa

2007-02-19T11:56:00.000Z

Heil og sæl, gaman að sjá ykkur ;)

Eins og Vordís pantaði í síðasta svari, þá kemur hér örlítil skoðun frá mér, um framlag Íslands til Eurovision, þetta árið:

Lagið „Ég les í lófa þínum“ sem Eiríkur Hauks flytur, er stórgóð rokk-melódía. Viðlagið grípandi og Eiríkur syngur sömuleiðis mjög vel. Þrátt fyrir þetta mikla hól, þá tel ég að lagið muni ekki komast upp úr undankeppninni og inn í úrslitin í maí n.k. Ég held reyndar að enginn viti, hvað þurfi til þess ;)

Það kom mér í sjálfu sér á óvart að Eiríkur skyldi hreppa hnossið, en ég taldi að fjögur lög myndu berjast um Finnlands-ferðina. Bjóst t.d. frekar við því að Friðrik Ómar eða Hafsteinn færu út. Sjálfur hélt ég mest upp á Húsin hafa augu, sem Matti söng og hefði gjarnan viljað sjá það fara áfram.

Eiríkur er hins vegar vel að sigrinum kominn, þó svo að persónutöfrar hans á sviði heilli mig ekki. Núna er bara að bíða eftir því að heyra lagið frumflutt á ensku ;)

# Ég les í lófa þínum (1)

# Eldur (2)

# Þú tryllir mig (3)

# Segðu mér

--------

# Blómabörn

# Ég og heilinn minn

# Húsin hafa augu (Mitt atkvæði)

--------

Hvað fannst ykkur?

Meðmæli óskast

2007-02-09T10:41:00.000Z

Sæl öll

Fyrir nokkru síðan (27.jan) þá fylgdist ég með þætti Jóns Ólafs á RÚV. (Grasrótin). Þar komu fram ungir og efnilegir flytjendur, sem komu mér gríðarlega á óvart, hvert snilldarlagið á fætur öðru. Mæli eindregið með því að þið kíkkið á lögin. Fann þau ekki öll á netinu, en þáttinn má sjá hér.

1. Retro Stefson - Medallion
2. Wipeout - Hey Boy
3. Hjaltalín - Margt að ugga (Algjör snilld)
4. Indígó - Down the drain
5. Sprengjuhöllin - Worry´til spring (Virkilega gott).

Vísó í kvöld, Let´s celebrate

Grace Kelly - Mika

2007-02-07T14:18:00.000Z

Sæl öll

Hafði hugsað mér að blogga í gær, en þessi blessaða síða var með einhvern mótþróa við mig, eða öllu heldur tölvurnar úti í Háskóla. Tilefni þessarar færslu er hins vegar af allt öðrum, og betri toga. Mig langar nefnilega að deila einu "stórkostlegu" lagi með ykkur (þeir sem telja sig hafa vit á tónlist rétti upp hönd og "commentið"). Ástæðan fyrir því að þetta lag hefur fangað mig, er ef til vill sú að lagið minnir mig alveg óneitanlega mikið á Queen.

Þeir sem hafa yfir háhraðatengingu að ráða geta nálgast lagið (6,99mb) hér (hægri smella og "save as")

Svo er bara að renna yfir textann, og syngja með ;)

Grace Kelly
Do I attract you?
Do I repulse you with my queasy smile?
Am I too dirty?
Am I too flirty?
Do I like what you like?

I could be wholesome
I could be loathsome
I guess Im a little bit shy
Why dont you like me?
Why dont you like me without making me try?

I try to be like Grace Kelly
But all her looks were too sad
So I try a little Freddie
Ive gone identity mad!

I could be brown
I could be blue
I could be violet sky
I could be hurtful
I could be purple
I could be anything you like
Gotta be green
Gotta be mean
Gotta be everything more
Why dont you like me?
Why dont you like me?
Why dont you walk out the door!

EURO 3/3

2007-01-31T13:55:00.000Z

Jæja hvað segið þið þá?

Ég hef verið að hlusta á lögin sem verða flutt næsta laugardagskvöld. Þau eru heldur slakari núna, en síðast, þó samt betri en fyrsta kvöldið. Sem sagt mun harðari samkeppni núna.

Athyglisverð lög:
# Ég og heilinn minn - Ragnheiður Eiríksdóttir
# Bjarta brosið - Andri Bergmann
# Leiðin liggur heim - Davíð Smári Harðarson
# Villtir skuggar - Alexander Aron Guðbjartsson

Hér má nálgast hin lögin:
http://www.ruv.is/heim/vefir/eurovision/3/

Sjáumst ;)

Blood Diamond

2007-01-30T10:27:00.000Z

Á þessa ágætu mynd skellti ég mér á föstudagskvöldinu, um áttaleytið, ásamt Kristínu og Arnari. Ég hvet ykkur eindregið til að kíkka á þessa. Góðir leikarar og sterkur söguþráður, hún skilur mikið eftir sig. Hún var meir að segja það góð, að lakklyktin sem barst yfir salinn fékk okkur ekki til þess að fara út. En þannig var nú mál með vexti að forsvarsmönnum Sambíóanna, hefur fundist það snjallræði að lakka skrifstofurnar á þessum tíma. Þvílíkir snillingar.

Á laugardeginum var farið í Sporthúsið í netta upphitun fyrir handboltann síðar um daginn ;) - Það var afskaplega sætt að sjá Íslendinga tryggja sér sæti í 8 liða úrslitum. Leikurinn á móti Þjóðverjum daginn eftir, skipti því engu máli. Um kvöldið var síðan þorramatur, en Kristín sá aðallega um að borða það súrmatinn.

Evró-keppnin tók síðan við, þar sem þrjú topplög komust áfram. Ég er þó ekki alveg að meika Jónsa, (helst til of mikið fyrir minn smekk), þó svo að lagið sé virkilega gott. Flutningurinn minnti mig á Heaven hér um árið, útþandar æðar og öskur inn á milli. Ef hann vinnur hins vegar, þá væri hugsanlega hægt að bjarga þessu með einu móti, þ.e. klæða hann upp sem eskimóa :)

Hin lögin voru góð. Ég tel að lagið með Friðriki Ómari myndi pottþétt skila okkur í gegnum undankeppnina færi hann út með það, gott lag og góður söngur. Eiríkur Hauks skilaði þessu sömuleiðis vel, þó svo að persónutöfrar hans á sviði hafi verið takmarkaðir. Það er sömuleiðis mjög gott lag.

Bið annars að heilsa, þarf að skjótast í tíma ;)

Seyðisfjarðarveikin og ESB...

2007-01-25T10:53:00.000Z

Var að vafra, og sá þessa athyglisverðu frétt:

„Ennþá engin dáið. En veikin alt af jafnmögnuð þannig að svo virðist sem engin muni þar sleppa og liggur að jafnaði 200-300 manna rúmfast. Bráðum hlýtur þó að réna, ekki er svo margt fólk á Seyðisfirði“ (Birtist í Fram 28. maí 1921).

Hvað segið þið annars, eiga Íslendingar að ganga í Evrópusambandið?

Helgarfílingur, eða hvað?

2007-01-24T14:08:00.000Z

Jæja þá,

Það er náttúrulega ekkert að frétta, nema það að Íslendingar rótburstuðu Frakka í fyrradag. Stórkostleg skemmtun, eftir algjöra niðurlægingu gegn Úkraínu. Síðar í dag er síðan leikurinn við Túnis. Áfram Ísland og ekkert rugl!!!

Helgin var bara með besta móti, fór í vísindaferð á föstudeginum í SKO, sem var bara helvíti nett verð ég að segja. Það var samt einum of mikill troðningur í þessu RISA-húsnæði ;)
Eftir Vísó skellti ég mér á Hressó, þar sem Vaka var að kynna listann í stúdenta-pólitíkinni, Vaka til hægri, Röskva til vinstri, en þeir síðarnefndu voru á PRAVDA. Eisi og Gotti voru sömuleiðis að spila á Hressó, svo þetta voru því tvær flugur í einu höggi. Þarna hélt ég til í góðum fíling fram eftir kvöldi, kíkti þá aðeins á Pravda áður en ég fór heim, didn´t like it.

Á laugardagum var skundað á Players, með Hreiðari, Palla og Oddnýju, til þess eins að kíkka á Liverpool & Chelsea, þetta var frábær helgi, því á sunnudeginum fórum við aftur, og þá var haldið á Emirates,,,jeeeeeY - þar sem Arsenal sigruðu Man Utd afskaplega sætt,,,,, so true, so true!!! Djöfull hefði ég viljað vera á vellinum!!! Þar hitti ég Ödda frænda, og fjölsk... sem er að sjálfsögðu Arsenal-maður í húð og hár.

Á laugardagskvöldinu bauð Palli okkur heim til sín í kaffi, og með því, þ.e. snakk og Eurovision. Þar held ég að allir hafi verið sammála um að Matti hafi sungið besta lagið (Húsin hafa augu), eða svona næstum því allir ;) Palli var hrifnastur af Bríeti Sunnu, (Blómabörn). Síðar um kvöldið fórum við á myndina Deja Vú, reyndar frítt, svo ég hef ekki efni á því að gagnrýna hana.

Lögin um þessa helgi í EURO, eru síðan aðeins skárri, en um síðustu (Gátu varla versnað), ég tók smá rúnt á þeim, áðan og þetta eru þau sem skara fram úr.

# Ég les í lófa þínum - Eiríkur Hauksson
# Segðu mér - Jónsi
# Eldur - Friðrik Ómar

Heyrumst

EURO-keppnin 2007

2007-01-19T12:21:00.000Z

Þar sem það styttist í undankeppni Eurovision hér heima, þá smelli ég einu lagi hér inn:
Húsin hafa augu - Það er Matti í Pöpunum sem syngur. Skásta lagið að mínu viti í holli 1.

Hér má síðan sjá síðuna, þar sem þið getið nálgast hin lögin ;)
http://www.ruv.is/songvakeppnin/

Heyrumst!!!

Gamlir teiknimyndaþættir

2007-01-18T11:11:00.000Z

Hver man ekki eftir Klaufabárðunum? Ég sá þetta hjá Ívari, og kannaðist ekkert við þetta í fyrstu, en viti menn, stefið er ógleymanlegt. Smellið á myndirnar til þess að sjá þættina. Fann því miður ekki Brúsk,,, Hér að neðan eru fleiri.

Hvað er helst að frétta?

2007-01-17T16:38:00.000Z

Blöggþörfin alveg að gera sig, eða hvað?

Skólinn byrjaður á fullu, og þá meina ég, á fullu. Er skráður í fimm fög:

1. Almenningsálit og stjórnmálaatferli
2. Alþjóðavæðing og stjórnmál alþjóðahagkerfisins
3. Opinber stefnumótun
4. Spurningakannanir
5. Málstofa: Fjölmiðlar og stjórnmál

Mætti hins vegar í Kenningar í stjórnmálafræði síðastliðinn mánudag, þar sem Svanur Kristjáns var við stjórnvölinn, hugsa að ég geymi hann í bili, svona "save the best, for last" thought, eða eitthvað í þeim dúr. Er annars búinn að fá úr fjórum fögum af fimm, og búinn að ná öllu. Greinilegt að vinnan á síðustu önn, hefur borgað sig.

En hvað hefur annars á daga okkar drifið í fjölmiðlum síðustu daga og vikur? Byrgið er náttúrulega ofarlega á baugi, og þegar ég pæli aðeins í þessu, það er alveg ótrúlegt að hugsa til þess, hvernig ríkið gat haldið áfram að ausa peningum þarna inn, þegar það vissi hvernig aðstæðurnar voru. Það er alltaf verið að tala um eitthvað bókhald, það hafi vantað upp á bókhaldið?????? Halló, er ekki í lagi með Ríkisendurskoðun. Það var ekkert bókhald yfir rekstur Byrgisins, það sér það hver heilvita maður. Almannafé streymdi ofan í vasa Guðmundar Jónssonar, sem straujaði krítarkortið hægri vinstri.

Og hvar liggur ábyrgðin? Samkvæmt mínum skólabókum þá liggur hún hjá félagsmálaráðherranum sjálfum, sem er yfir málaflokknum, en þess má geta að þeir hafa verið þrír frá því að Páll Pétursson hætti, fyrst Árni Magnússon, síðan Jón Kristjánsson og loks Magnús Stefánsson. Ég bendi ykkur á stórkostleg viðtöl undir titlinum: Hver ber ábyrgðina? í Íslandi í dag, þann 16. janúar 2007. Þar eru viðtöl við Magnús Stefánsson og Birki Jón Jónsson, og það er anskoti athyglisvert að heyra Birki segja, að það hafi ekki verið í verkahring stjórnmálamanna að kafa dýpra í þetta mál, mjög svo athyglisverður punktur,,,, hvers vegna var skýrslan þá ekki opinberuð??? á sínum tíma, þegar stórt er spurt... Birkir segir sömuleiðis að allir í fjármálanefndinni hafi vitað af fjármálaóreiðunni, hún hafi bara ekki jafnslæm og núna. Hvernig gátu þeir eiginlega réttlætt þessar styrkveitingar ár eftir ár???,,,, Hver voru svörin hjá þeim háttvirtu???: Jú, jú, það voru engin önnur úrræði til staðar fyrir skjólstæðinga Byrgisins, aðrar lausnir voru sem sagt dýrari!!! Okey,,, hvernig er þá staðan núna??? Er hún eitthvað betri??? Held ekki!!!

Í Kompásþættinum góða, sem sýndur var fyrir jól, var vísað í þessa blessuðu úttekt á fjármálum Byrgisins, og þar var bent á að bókhaldið væri í ólestri, en þess má geta að frá árinu 1999-2007 hefur Byrgið fengið 226 miljónir króna í styrki frá félagsmálaráðuneytinu auk annarra styrkja. Samtals, rúmlega 25 milljónir á ári. Þetta er ágætis peningur til að leika sér með!!!! Forstöðumaður Byrgisins segir hins vegar allar ásakanir um fjármálaóreiðu og grunsemdir um að fjármunir Byrgisins hafi verið notaðir til einkaneyslu, séu rangar. Síðast í Kastljós þættinum í gær staglaðist hann á þessu, og sagðist sömuleiðis ætla að ganga í fyrirtæki og safna kvittunum fyrir því sem vantaði. Maðurinn er ruglaður, maðurinn er sjúkur!!!

Hef þetta ekki lengra, lifið heil!!!

Í nýja árinu á fullri ferð

2007-01-15T11:52:00.000Z

Jæja hvað segið þið þá?

Ég er bara helvíti góður. Maður er svona rétt að komast á skrið eftir jólafrí. Kom suður um þar síðustu helgi til þess að byrja í vinnunni, en núna er komin vika síðan Arnar byrjaði í MK, á meðan ég og Kristín fengum "auka" viku. Helgin var stórátakalaus í meira lagi. Ég skrapp reyndar til Hreiðars á föstudeginum, í létt innlit og smá "PRO". Á laugardeginum fórum ég og Kristín á útrýmingarsölu í IKEA- Holtagarðum. Þar sem ég verslaði mér netta bókahillu, á fínu verði. Þetta var sömuleiðis rosaleg upplifun að fara þarna inn og sjá Íslendinga tapa sér, eins og þeim einum er lagið. Sendiferðabílar hægri, vinstri og búðin við það að tæmast. Síðar um daginn fóru Kristín og Arnar á handbolta-landsleikinn, á meðan ég fylgdist með enska boltanum ;). Í gær var síðan slappað af....

En já, skólinn er að byrja í dag, og þá verður planið fljótt að fyllast aftur. Það verður þó pláss fyrir fleiri vísindaferðir að þessu sinni ;)

See ya

Gleðilegt nýtt ár

2007-01-05T22:44:00.000Z

Sæl öll

Þetta verður stutt að þessu sinni. Ætla bara að óska ykkur gleðilegs nýs árs, með þökk fyrir það gamla. Þessi pistill, eða fyrirrennari hans átti að vera mun veglegri, en af einhverjum óskiljanlegum ástæðum þá fraus allt apparatið, hjá þeim sem sjá um þetta.

Málið var að í gær ætlaði ég að henda inn færslu, og var búinn að sitja hérna fyrir framan tölvuna í tæpa þrjá tíma. Pistillinn um gamla árið, með myndum og allum pakkanum ;) Þegar ég var loksins búinn, og ætlaði að "publisha" efninu, þá lá serverinn niðri, helvíts, djöfulsins, anskotans.

Ég kveð með tveim myndum frá liðnu ári ;)

Stebbi, Palli og ég, í góðum fíling á Hressó eftir ærlega "vísindaferð" í Vífilfell.

Palli og Runi, eftir vísindaferðina í Framsókn, bara helvíti nettir ;)

Over and out, á nýju ári

Einu sinn var...

2006-08-31T09:24:00.000Z

Sæl verið þið ;P

Eftir endalausa þolinmæði, jaml, japl og fuður, þá birtist hér frásögn sem ég kláraði, reyndar í síðustu viku. Hafði reyndar ekki tíma til þess að henda þessu inn, fyrr en nú. Myndir sem ég tók, á meðan á road-trippinu stóð, eru ekki alveg ready,,, og verða því að bíða betri tíma. Þetta er frekar löng frásögn, svo endilega, sækið ykkur popp, og kók í leiðinni ;)

VERSLÓ, var tekin með trompi þetta árið. Við félagarnir: Ég, Palli og Runi byrjuðum að velta þessum möguleika fyrir okkur, rétt rúmum mánuði áður. Að lokum varð Neistaflugið á Neskaupsstað fyrir valinu, líkt og í fyrra. Upphaflega var planið hjá mér að fara norður í land, og þaðan austur, og verða þeim fyrrnefndu samferða áleiðis. Það varð hins vegar úr að Hreiðar ákvað að slást með í för, og því var stefnan sett á suðaustur-leiðina, enda hafði ég aldrei farið þá leið áður.

Skipulagningin fyrir ferðina byrjaði nokkrum dögum áður, en lagt var í ´ann. Nauðsynlegir hlutir keyptir, s.s. bjór, áfengi, og aðrir aukahlutir. En komum nánar að því síðar. Mig langar nefnilega að minnast á helgina fyrir Versló, en þá skellti ég mér austur yfir fjall, og fór þar í bústað sem fjölskyldan hafði tekið á leigu, í hæfilegri vegalengd frá Gullfossi og Geysi. Aksturinn upp eftir tók rúman klukkutíma á laugardagsmorgni, en félaginn mætti á svæðið í þessu fínasta veðri, rétt upp úr klukkan tólf. Síðar um daginn var tekinn rúntur á Geysi og Gullfoss, og veðrið eins og áður segir, dásamlegt. Hitinn var svakalegur.

Myndavélin var að sjálfsögðu munduð, hægri-vinstri, enda liðin hartnær fimmtán ár frá síðustu ferð, á þessar slóðir. Gullfoss skartaði sínu fegursta, og hér til hliðar ætlaði ég að hafa mynd, en hún verður að bíða, betri tíma. Um kvöldið, eftir að við vorum komin, aftur heim í bústað, þá var grillið tekið fram, og pabbi tók til við að grilla kjúklingabringur, ásamt hrefnukjötinu sem ég hafði komið með. Hreint út sagt lostæti, þessi magnaði matur, og hvítvínið með, skemmdi sko ekki ;)

Næsta vika var vægast sagt, mjög lengi að líða, enda var tilhlökkunin, við að komast austur, mjög mikil. Á mánudeginum bað ég svo um frí í vinnunni, svona just in case, for notice, og það var að sjálfsögðu ekkert mál ;) Heyrði síðan í strákunum (Helga-Palla-Runa) reglulega á kvöldin, svona til þess að slípa saman einhverja ferðaáætlun.

Á fimmtudagskvöldinu komu mamma, pabbi, Kristín og Arnar úr bústaðnum og fengu að gista í Þverbrekkunni, áður en að lagt yrði í ´ann norður. Ég fór síðan til Hreiðars og gisti þar, enda hafði verið planað að leggja af stað, hallandi nóttu, eða um fimm leytið. Það tókst næstum, en við vöknuðum tvær mínútur í fimm, og vorum komnir af stað, rétt upp úr, hálf sex. Rigning og þoka blasti við, sem sagt, frábært ferðaveður, sem átti eftir að fylgja okkur alla leiðina austur. Ferðin gekk vel, og greiðlega, enda umferðin lítil sem engin.

Það gafst því meiri tími til þess að virða landslagið fyrir sér, sem var by the way, stórbrotið. Og var aksturinn, frá Hellu og að Vík í Mýrdal sérstaklega ánægjulegur. Á síðan varla lýsingarorð til þess að lýsa jöklinum, þessum eina sanna,,,,, - Á þessum tímapunkti var verulega farið að síga í stýrið, váá, hvað aksturinn var orðinn lýjandi, en áfram var haldið, Jökulsárlónið, var einstaklega fallegt, þó svo að veðrið hafi verið betra á leiðinni heim. Stoppuðum þó í bæði skiptin og smelltum af nokkrum myndum.

Aksturinn frá Höfn, og austur, var síðan algjört pain, rigning og þoka, eins og áður segir. Skriðurnar voru síðan sérstaklega skemmtilegar, þar sem þær voru jú,,,,, ein malarsósa, út í gegn. Ég elska malarvegi,,, yeah right...

Keyrt var í gegnum þrjú göng á leiðinni, Víkurskarðsgöngin, Fáskrúðsfjarðargöngin, og Oddskarðsgöngin. Hugsaði um leið, hvað það verður frábær samgöngubót fyrir Siglfirðinga, og aðra landsmenn, þegar Héðinsfjarðargöngin verða tekin í notkun. Stórkostleg samgöngubót.

Aksturinn hélt áfram, inn og út þessa blessuðu firði, og allt þar til maður staðnæmdist á Neskaupsstað, rúmum átta tímum síðar. Höfðum reyndar komið við á Reyðarfirði, og stoppað svolítið þar líka. Veðrið var bara mjög gótt, hlýtt og fínt, en smá suddi. Hann létti þó til þegar leið á daginn. Það var til að mynda mun hlýrra en árið á undan.

Kom síðan við hjá Dísu og Helga, á slaginu tvö, og þaðan var stefna sett niður á þvottaplan, þar sem mesti skíturinn var skolaður af bílnum. Þegar þarna var komið við sögu, þá voru Palli og Runi á leiðinni frá Akureyri, einhversstaðar við Mývatn að mig minnir, en þeir höfðu,,,,, tafist aðeins á Króknum, humm, hvað skyldi hafa gerst?

Að því búnu var stefnan sett á tjaldstæðið, þar sem ég, Helgi og Hreiðar settum upp veislu-tjaldið. Helgi var reyndar í aðalhlutverkinu. Að því loknu var ákveðið að skella sér í Egilsbúðina góðu, og fá sér eina austfirska (pizzu), og bjór með,,, mjög svo ljúft, mjög svo líka ljúft og hringja í strákana, sem voru nú á Egilstöðum.

Eftir matinn, var dagskrá á úti-sviðinu, þar sem við stöldruðum við í nokkra stund. Þar var m.a. Upphitun við Queen-showið sem var á dagskrá síðar um kvöldið.

Ég man nú ekki um hvaða leyti félagarnir komu í bæinn, en það var einstaklega gaman að fylgjast með Runa á tjaldstæðinu, að setja upp ónýta tjaldið sitt,,, algjör snilld,,, Sátum síðan, eftir að Helgi-tjaldmeistari hafði reddað málum, og teiguðum nokkra bjóra, í góðra vina hópi. Síðar um kvöldið var tekinn rúntur um bæinn í boði Helga, og Dísu, sem var svo yndisleg, að keyra. Þar kom skrifaði diskurinn minn að góðum notum,,, og þá sérstaklega kantrý-ið hans Hallbjarnar, en hann virkaði sem fínasta upphitun fyrir Queen-showið, sem við mættum helst til, of seint á,,,ansk...

Stemmarinn í húsinu þegar við komum inn, var síðan engu líkur, þvílík og önnur eins söngskemmtun, öllum trompum spilað út, og allir syngjandi og dansandi. Það má í raun segja að ballið með í Svörtum Fötum sem á eftir kom, hafi algjörlega fallið í skuggann, þrátt fyrir að vera hin fínasta skemmtun. Af ballinu, var tekinn taxi, og á leiðinni upp á svæði, þá mættum við Elínu, og vinkonu hennar sem voru þá nýmættar á svæðið.

Þegar á tjaldsvæðið var komið, þá var Partý-tjaldið fokið, eða hvíta ruslið, eins og ég kýs að kalla það hér eftir. Mér til mikillar ánægju og yndisauka, þá hafði sömuleiðis verið farið inn í tjald hjá mér og tappinn rifinn úr dýnunni, eftir að rótað hafði verið í tjaldinu hans Runa, Djöfull var ég svekktur og súr, mig langaði virkilega að berja einhvern, eftir þennan gjörning. Svaf samt alveg ótrúlega vel yfir nóttina, þó loftlaus væri.

Á laugardeginum, var ekki sparað til við veðrið, líka þessi rjómablíða, sól og steikjandi. Hreiðar var að sjálfsögðu tilbúinn með morgunmatinn, og bauð upp á brauð, og fjórtán tegundir af áleggi :) (Drykkurinn var innifalinn,,,, og skipulagningin alveg í botni hjá félaganum :)

Síðan var rúntað um bæinn, og púlsinn tekinn á skemmtiatriðunum, sem voru á sviðinu, fylgst með Brunaslönguboltanum, og grillmatur keyptur fyrir kvöldið. Sannkallaður lúxus. Síðar um daginn, eftir að við vorum komin, aftur upp á tjaldsvæði, þá reistum við hvíta ruslið við, og sátum síðan í gúddí fíling, drekkandi bjór, og jáá, rabbandi við Keflarana (Bigga-Steina & Þorstein), sem voru að þeirra sögn, í allt öðru tímabelti, nett ruglað lið þar á ferðinni,,,,ég veit að Runi er með frasana frá þeim, á hreinu og smellir þeim kannski upp í commentunum ;) Síðuna þeirra má sjá á slóðinn www.blog.central.is/grairkettir

Byrjuðum síðan að grilla, nei fyrirgefið, Helgi byrjaði að grilla, og átti þann þátt alveg einn. Svínið og Lambakjötið, smakkaðist mjög vel, og var svínið, sínu betra. Það var því ágætis stemmari í hópnum eftir að þessir tæpu, hér að ofan, höfðu yfirgefið svæðið, um stundarsakir. Síðar um kvöldið var tekinn rúntur, líkt og kvöldið áður, og því næst skellt sér á ballið, nú með Skítamóral, sem var bara, í meðallagi, verð ég að segja. Hitinn í Egilsbúð var hins vegar yfirgnæfandi og ef ég man rétt, þá tókum við taxa, síðar um nóttina, beint upp á stæði.

Næsti dagur, sunnudagur, var heldur síðri,,,, veðurfarslega séð, lítil sól, og ekki alveg jafn hlýtt og hina dagana. Fengum okkur morgunmat, áður en við skunduðum niður á Olís, og fengum okkur smá viðbótar brönch. Dagurinn leið með svipuðum hætti, og þeir tveir fyrri, nema það, að nú fórum við á Kapítano, og fengum okkur Indverskan-Kínverskan, og fyrir mína parta, þá segi ég, þvílíkt lostæti, kostgæti. Pöntuðum okkur alla réttina, og vorum með einskonar hlaðborð. Ég fór allavegana ekki svangur út ;) - Eftir þetta tókum við nokkra hringi um kaupsstaðinn, og kíktum síðan fyrir algjöra tilviljun upp á tjaldsvæði, en tjöldin voru á góðri leið með að fjúka burt, hvíta ruslið reyndar komið út í skurð, og því var hafist handa að bæta fleiri krókum við búslóðina.

Um kvöldið, og eftir nokkra hringi, var komið að brekkusöngnum, og öðru glensi og gríni, sem var svona mis-skemmtilegt, hvass vindur eyðilagði svolítið fyrir, sem varð til þess að ekki var hægt að kveikja í brennunni, en rúsínan í pylsuendanum var hins vegar flugeldasýningin sem tókst með afbrigðum vel, og hlaut að launum, mikið lof fyrir.

Síðar um kvöldið hélt þessi blessaða framhaldssaga áfram, en þá voru tvö tjöld lögst, tjaldið Runa, og tjaldið Hreiðars, ég ákvað því að rífa mitt niður, og sofa í bílnum, þ.e. ef til þess kæmi. Helgi og Dísa, og foreldrar Dísu, buðu okkur hins vegar gistingu, sem var þegin með þökkum. Þetta var alveg ótrúlega skemmtilegt móment að taka niður tjald á methraða í hávaðaroki og kolsvarta myrkri, og flytja sig síðan, og koma sér fyrir í heimahúsi. Takk fyrir mig, Dísa & Helgi.

Eftir allt umstangið, fórum við á djammen, Sálina hans Jóns míns og satt best að segja, þá snerti hún mig ekki baun. Það var algjörlega troðið,,,hitinn óbærilegur,,, og alltaf verið að stappa á manni. Þetta var sem sagt, ekkert skemmtilegt ball, og sennilega með fimm lélegustu böllum sem ég hef farið á. Það vantaði NEISTANN....og lagið líka,,,,

Runi stakk af og fór snemma heim, en ég reyndi að tóra rest. Eftir ball keyrði, Hreiðar, Hálfdáni úr Djúpu Lauginni, og konu hans heim, en Palli þekkir vel til þeirra. Tígri kötturinn hennar Dísu, tók síðan vel á móti okkur, þegar heim var komið. Algjört krútt, og ég orðinn dýravinur, og hreint alveg ótrúlegir hlutir að gerast,,, Ég sofnaði fljótlega, og svaf ágætlega um nóttina, Helgi og Dísa komu síðan heim, undir morgun, löngu eftir að ég rotaðist.

Næsta dag, eða um hádegi, reif maður sig á fætur, og gekk frá lausum endum, en framundan var aksturinn suður. Veðrið var komið í sumarskap á ný og sólin brosti sínu breiðasta. Lagt var af stað um tólf-leytið, eftir að allir höfðu verið kvaddir, nema Dísa sem var sofandi,,, skilaði að því búnu, kveðju til Helga og bað fyrir kærar þakkir fyrir allt.

Veðrið suður, hélst síðan alveg að Vík í Mýrdal (Sól og heiðskírt), og blásturinn í bílnum á fullu, og við samt að kafna. Jökulsárlónið (Bond-Lagoon) stóð samt upp úr, og því var ákveðið að stoppa aðeins, og njóta líðandi stundar.

Umferðin var í þyngri kantinum, og húsbílarnir í tugatali. Við mættum síðan hverjum björgunarsveitarbílnum á fætur öðrum, sem var að fara til leitar að Konna Klöru, sem hafði villst á hálendinu, kvöldið áður. Váá hvað aksturinn var lýjandi,,, og hvað er málið með að hafa (40) einbreiðar brýr á þessum vegarkafla, þvílíkt rugl... Í bæinn komum við, klukkan að verða hálf-níu, frekar þreyttir, eftir þessa átta tíma siglingu, og vinna daginn eftir,,,

,,,ég segi ekki meir!!!,

Bið að sjálfsögðu að heilsa öllum,
Með kveðju úr borginni,
Nonni,

Ísland - Danmörk (Miðasala hafin)

2006-08-22T14:22:00.000Z

Hverjir hafa hug á að skella sér á landsleikinn? Nánari upplýsingar má sjá, hér að neðan:

Miðasala á landsleik Íslands og Danmerkur í Evrópukeppni landsliða er hafin á ksi.is og midi.is. Sala aðgöngumiða á landsleiki fer nú fram í nýju miðasölukerfi fyrir Laugardalsvöll frá midi.is

Kaupendum gefst kostur á að velja sér það sæti sem viðkomandi vilja sitja í.
Að kaupum loknum fær kaupandinn sendan e-miða (pdf skjal) í tölvupósti, sem hægt er að prenta út og nota sem aðgöngumiða á völlinn. Einnig er hægt að sækja miða í verslanir Skífunnar og BT, gegn framvísun skilríkja. Einnig er hægt að kaupa miða á leikinn í verslunum Skífunnar og BT.

Forsala til og með 5. sept.
Sæti í rauðu svæði kr. 4.500
Sæti í bláu svæði kr. 4.000
Sæti i grænu svæði kr. 1.500

Miðaverð á leikdag 6. sept.
Sæti í rauðu svæði kr. 5.000
Sæti í bláu svæði kr. 4.500
Sæti i grænu svæði kr. 2.000

Hægt er að kaupa miða með því að smella á valmyndina á forsíðu ksi.is, á midi.is eða með því að smella hér

Hverjir ætla?

Kv. Nonni

Myndasamkeppni NFS

2006-08-22T13:06:00.000Z

Sæl öll,

Þið ykkar sem fylgist ávallt spennt með veðrinu á kvöldin, hafið eflaust tekið eftir ljósmyndasamkeppni NFS,,, og í gær var birt mynd eftir félagann. Það kom mér þægilega á óvart þegar neðangreind mynd birtist á skjánum í gærkveldi.

(Mynd: Jón Óðinn Reynisson)

Þið ykkar sem misstuð af mómentinu hjá Sigga Storm, getið séð það, með því að smella hér. Myndskeiðið (07:25-07:53).

Ég bið auðvitað kærlega að heilsa ;)
Kv. Nonni

Menningarnóttin

2006-08-19T23:46:00.000Z

Sæl öll, ég hugsa að það verði kominn desember, þegar næsta almennilega færsla kemur, var að koma af Menningarnóttinn, algjörlega stappað í bænum, en samt ógeðslega gaman,,,trallalaaa - Hér koma nokkrar myndir ;)

Hérna vorum við fyrir framan Glitnis-sviðið, og hljómsveitin Í Svörtum fötum að spila, góður stemmari, eins og sést á Hreiðari ;-P

Hér fikruðum við okkur upp eftir Austurstrætinu, hljómsveitin Benni Hemm, Hemm að tjútta vitið úr fólki,,,,,

Og fleiri mannfjöldamyndir, ekki sénsinn að fara upp eftir Laugaveginum.

Arnarhóll, here we come, fundum okkur góðan spot, og hlustum á Hip-Hop dauðans,,,

Og ég fílaði það í tætlur,,,

Ein góð að lokum ;-P

Bið að heilsa öllum, með kveðju norður og austur

Nonni

Fleiri myndir frá Versló

2006-08-14T12:29:00.000Z

Jæja kæru lesendur, þá er komið að fleiri myndum frá Versló, ég held að þessar sleppi alveg ;) Er byrjaður á bloggfærslunni, en þar sem ég er að læra á billjón fyrir próf þessa dagana, þá kemur hún í fyrsta lagi inn, um næstu helgi,,,

Eins og sjá má, þá var fullt á Sálarballinu, svona einum of...

Ég og Palli, alltaf jafn glæsilegir, hehe. Vantar bara opin augu hjá mér, ohhh

Ég algjörlega að missa það, skil ekki afhverju ;)

Hreiðar búinn að næla sér í eina,,, algjörlega edrú,,, daddarraaa,

Og þar sem Runi fór snemma heim af ballinu, þá mætti tvífari hans í staðinn. Ég meina, þið er ótrúlega líkir,,,

Kv. Nonni

Myndir, frá Versló

2006-08-11T09:06:00.000Z

Sæl öll, var að skoða pose.is og fann þessar glæsilegu myndir af okkur ;) hehe - Umfjöllun um helgina gæti eitthvað dregist :)

Hreiðar alltaf góður eins, og sjá má ;)

Ég hló nú bara þegar ég sá þessa Palli minn,,,

Virkilega góð þessi, tekin rétt áður en Palli, Helgi og Dísa mættu á svæðið.

Kv. Nonni

Helgarfílingur

2006-07-24T14:41:00.000Z

Sælt verið fólkið, og hvar er þá best að byrja ;)

Síðasta helgi var nokkuð ólík, öðrum þeim sem ég hef dvalið hér fyrir sunnan. Var búinn í vinnunni um hálf fjögur á föstudeginum og dreif mig þá heim. Henti í þvottavél og var greinilega í góðu skapi, þar sem ég skúraði íbúðina líka, rétt eins og svalirnar. Eftir þetta kíkti ég í heimsókn til Hreiðars, sem varð þó öllu lengri en ég hafði planað. Pöntuðum okkur pizzur á Pizzahöllinni, tilboð sko, og þær voru alveg ótrúlega góðar ;) Drukkum bjór með,,, helvíti nice, alveg hreint.

Og þá er komið að þeim parti, sem var frábrugðinn öllu öðru. Félaginn fékk mig nefnilega til þess að bera út með sér Fréttablaðið aðfararnótt laugardagsins, eitthvað rúmlega 300 blöð, eða svo, og mjög svo góður göngutúr verð ég að segja. Fullt af fólki, líka að koma heim af djamminu, mjög skrýtið, en allavegana þá byrjuðum við korter í fimm, og vorum búnir rétt rúmlega hálf sjö ;) Eftir að heim var komið, þá lagði ég mig til hádegis eða svo.

Fór síðan, síðar um daginn í Kolaportið, og dauðsá eftir því að eiga ekki grammófónsspilara, því plöturnar voru til í þúsundatali. Ætlaði að kaupa mér lakkrís, og fleira sælgæti, en skippaði því út fyrir Svartfugl og Hnýsukjöt á mjög góðu price-i. Hnýsuna steikti ég í gær, og át gjörsamlega yfir mig. Allt of góður matur. Það verður því Svartfugl í kvöld, kartöflur og smjer.

Næst á dagskrá, er Versló, hittingur fyrir austan. Hef verið í nokkuð góðu sambandi við Palla og Runa. Og er stefnan sett á Neskaupsstað, Neistaflugið. Ég býst við að það verði frí, hjá mér í vinnunni á föstudeginum fyrir, svo það verður væntanlega brunað norður á fimmtudagskvöld, þetta fer svolítið eftir Runa, sem verður eiginlega bara að fá frí á föstudeginum. Ég sá á blogginu hans Palla, að Helgi er búinn að koma sér vel fyrir ;) Allavega búinn að kaupa sér nýjan bíl undir bjórinn, eins og Palli orðaði það. Það stefnir því mjög góða helgi, svo framarlega sem veðrið verði á sínum stað. Það er rólegt í vinnunni núna, og því gafst tími fyrir smá blogg.

Kv. Nonni.

Umfjöllun um síðustu helgi

2006-07-18T19:40:00.000Z

Jæja hvar á maður eiginlega að byrja,,,

Váá, það er engin launung að síðasta helgi er hreint út sagt, ein sú magnaðasta og skemmtilegasta sem ég hef upplifað. Þvílík skemmtun. Þetta hófst allt með því að ég fékk frí í vinnunni síðastliðinn föstudag. Planið var að leggja eldsnemma af stað, einfaldlega, svo maður fengi að njóta fjarðarins, aðeins lengur. Ég vaknaði rétt rúmlega hálf sjö, eftir að hafa sofið í rétt þrjá tíma. Skellti mér lappir, og fékk mér morgunmat. Eftir eitt glas af appelsínusafa var rokið út með farangurinn, og hárið var auðvitað glæsilegt að vanda. Stefnan var sett heim til Brynjars í Breiðholtinu, og þangað var ég kominn korter fyrir átta. Veðrið var ömurlegt, rigning og rok, og því engin eftirsjá af Reykjarvíkinni í þetta sinn. Leiðin norður gekk greiðlega, enda var umferðin í minna lagi. Við skólafélagarnir skemmtum okkur auðvitað vel á leiðinni, hlustuðum á nýgerða spólu, sem ég hafði verið að baslast við að púsla saman, frá því, kvöldið áður. Það var sem sagt sungið og spjallað, alla leiðina norður.

Á Blönduósi var ákveðið að nema staðar, og fá sér eitthvað gott í gogginn. Essó-Skálinn varð fyrir valinu, og þar tók á móti okkur afskaplega myndarleg stúlka, með þjónustulundina alveg í topp. Pylsan þótti bara nokkuð góð, verð ég að segja, og kókið skilaði sínu. Eftir korters stopp var brunað af stað, aftur. Þverárfjall varð fyrir valinu, en sú ákvörðun átti fljótlega eftir að koma í bakið á okkur. Það er nefnilega byrjað að “framkvæma” á svæðinu. Akstur á eftir trailer er því ekkert móment sem maður ætti að óska sér, og sérstaklega ekki þegar vegurinn er ein drullusósa út í gegn. Þrátt fyrir þetta lentum við á Sigló, rétt rúmlega tólf. Það var yndislegt að keyra inn í bæinn, og sjá skiltið, “Velkominn Árgangur 82”.

Síðar um daginn var komið að því að fara í klippingu, enda var sú aðgerð orðin löngu tímabær. Eftir þá hreinsun, ákvað ég að skella mér í heimsókn, enda var ég búinn að lofa mér á nokkra vel valda staði ;). Eftir heimsóknina í nýja húsið hjá Siggu og Svenna, sem er alveg glæsilegt, þá fór ég heim að gera mig kláran fyrir kvöldið. Ekki skemmdi veðrið fyrir, en það var í einu orði sagt dásamlegt, algjört skjól fyrir ofan hús, og 35 stiga hiti, enda skein sólin beint á mælirinn. Með bjór í hönd, þá gat þetta bara ekki klikkað. Íbbi hringdi síðan, og sagði að það yrði “nett” upphitun hjá Hauki Leós, klukkan sjö. Strákarnir ætluðu að hittast þar, en stelpurnar hjá Hönnu Siggu. Til Hauks mætti maður síðan, um hálf átta leytið, eða nokkru eftir að ég hafði snætt kvöldverð með fjölskyldunni. Það var auðvitað rífandi stemmari í “fyrir” partýinu, og alveg frábært að hitta gömlu skólafélaganna, aftur. Og suma hverja í fyrsta sinn, í mörg ár, s.s. Willa sem hefur búið í Danmörku frá því í tíunda bekk, og Robba sem flutti suður í Hafnarfjörðinn 12 ára gamall. Við létum auðvitað, aðeins bíða eftir okkur, en hittingurinn úti í Alla, (Alþýðuhúsinu) átti að hefjast um níu-leytið.

Stelpurnar voru að sjálfsögðu mættar á undan okkur, uppdressaðar og glæsilegar. Boðið var upp á bjór á vægu verði, og sumir nýttu sér það meira en aðrir ;) Það var góður stemmari í hópnum, það var sem sagt mikið spjallað og heilmikið hlegið. Tónlistin dunaði frameftir nóttu, eða allt þangað til að ljósin voru kveikt, en þá fór fólk að tínast út, eitt af öðru. Nokkru áður höfðu Veraldarvinir kíkt í heimsókn, með trommur og allt sem því fylgdi. Þess má geta að sumir stigu trylltari dans, en áður hefur sést ;) Rétt fyrir klukkan fjögur, fékk ég far með Jóhannesi heim, enda blasti við skipulögð dagskrá daginn eftir. Það var því um að gera að drífa sig heim, til þess að ná einhverjum svefni fyrir komandi átök. Ég steinrotaðist þegar heim var komið, og vaknaði um hálf-tíu leytið, þá rúmum fimm tímum síðar, snoozaði í smá stund, en skellti mér á fætur, að því loknu, fékk mér smá að borða, og fór því næst út í bíl, og niður á torg.

Þangað var mættur dágóður hópur, og þeir einstaklingar sem ekki voru vaknaðir voru ræstir út. Og þeim sagt að hypja sig á lappir. Stefnan hafði verið sett á sjóferð, en þar sem sjófærið, var ekki eins gott og vonast hafði verið til, þá var ákveðið að skella sér suður í skógrækt. Við lögðum reyndar bílunum við Stóra-Bola og gengum þaðan, smáspöl. Þegar við vorum komin að hesthúsunum, þá voru veraldarvinir að gera sig klára fyrir hestaferð, Íbbi hélt á brennibolta, og til þess að gera langa sögu stutta, þá tókst honum að kasta boltanum hátt og ævintýralega, beint ofan á hjálminn hjá einum viðstöddum, hann small gjörsamlega í, og þetta var óneitanlega mjög fyndið fyrir þá sem sáu þetta. Áfram hélt gangan og fyrr en varði vorum við mætt út í skógrækt. Þar var boðið upp á langlokur, svala og bjór. Alveg ótrúlega svalandi og góður sá síðastnefndi. Grétar Rafn gerði síðan gott, enn betra og gaf okkur nokkrar Ópal-flöskur, sem við staupuðum í góðra vina hópi. Þ.e.a.s. sest var í stóran hring, og á meðan flöskurnar gengu á milli, þá sagði hver og einn, frá sjálfum sér, og hvað hann hefði gert frá því í framhalds- og menntaskóla. Að því loknu fórum við yfir á Íþróttasvæðið við Hól, en stöldruðum þó stutt, þar við.

Næst á dagskrá, var ratleikurinn. Skipt var upp í lið, og því næst haldið af stað. Fyrsta þraut hjá okkur, eða liði 3, sem skipað var Auði, Brynjari, mér, Huldu og Willa, var að finna kvenmann í bænum, sem myndi láta brjósthaldarann sinn af hendi, og kvitta nafn sitt undir, því til staðfestingar. Næsta þraut var að hlaupa út á Alla, syngja skólalagið, sem BK, kunni aftur á bak, sem áfram. Því næst var staupað. Þriðja þraut, var að taka egg sem við höfðum meðferðis, banka upp á í heimahúsi, og steikja það, smella því síðan á pappadisk, og hlaupa áfram um bæinn. Já það var sko hlaupið. Fjórða þraut var að telja gluggana á bakhlið Grunnskólans. Fimmta þraut, var að hlaupa á bakvið Bíóið og finna þar lista með spurningum sem við áttum, síðan að svara. Afþví loknu var komið að sjöttu og síðustu þraut. En hún var að skella sér út á bryggju og veiða fisk. Sú þraut gekk ekki nógu vel, en allir komu þó með eitthvað að torginu, Ufsa, sem frosna loðnu. Ívar beið ekki boðanna og varð að smakka á einni loðnunni, þ.e. hann stakk henni gjörsamlega ofan í kok, engum líkur, félaginn. Ég verð að segja að þetta vakti nokkra athygli og kátínu hjá bæjarbúum, enda ekki svona gjörningur á hverjum degi.

Að ratleik loknum fóru flestir, en þó ekki allir, heim að gera sig klára fyrir kvöldið. Ég ákvað að drífa mig heim, og shine-a mig fyrir skemmtunina. Á leiðinni í bæinn, til Hauks eftir uppádressingu, var komið við á Laugarveginum, og Willi og Jón Guðni teknir með. Já, bekkjarsystkini manns voru í misgóðu lagi, þegar til Hauks var komið.

Húsið opnaði um hálfátta, og maturinn byrjaði u.þ.b. klukkutíma síðar. Á meðan á hlaðborðinu stóð, þá rúllaði myndasýningin yfir. Hreint út sagt, frábærar þessar gömlu góðu myndir. Maturinn sem Lóa og Halli matreiddu síðan, var hreint út sagt frábær, og takk fyrir mig, kærlega. Hvítvínið með matnum stóð síðan fullkomnlega fyrir sínu. Eftir mat var tekin smá pása, áður en stelpurnar komu með atriðið sitt, sem var by the way, algjör snilld. En þær tóku hvern og einn strák í bekknum fyrir, og sendu út spurningalista með stöðluðum spurningum, þeirra á milli. Ég man auðvitað bara veigumestu atriðin, þar sem ég komst á blað ;) Ég var líklegastur af strákunum til þess að verða kosinn forseti, hlaut meirihlutakosningu auðvitað ;) takk fyrir atkvæðin stelpur ;) komst líka á blað yfir, þá að vera líklegur til þess að stofna fyrirtæki, já hver veit, kannski að maður eigi eftir að láta til leiðast. Stelpurnar voru líka beðnar um að lýsa hverjum og einum eins og þær mundu eftir honum, frá því í “old days”. Ég hef greinilega verið mjög saklaus og góður drengur ;),,, en allavega, eftir slide-showið, þá var fólk hvatt til þess að stíga í pontu, og koma með brandara. Þar bar Hulda Katrín af, og fór hreinlega á kostum, með sínum danska hreim, sem Guðný Páls hefði eflaust orðið mjög stolt af.

Nokkru eftir þetta steig hljómsveitin Tvöföld Áhrif á svið, og hélt uppi fjörinu langt fram eftir nóttu, og stóðu þeir sig bara mjög vel. Eftir ball, fór síðan stór hluti af hópnum heim til Hauks Leós, ég stoppaði reyndar stutt, við, enda ætlaði ég að ná góðum svefn áður en ég legði í ´ann daginn eftir. Úr varð að ég kom heim rétt að verða fimm, og steinrotaðist fljótlega eftir það. Vaknaði síðan að verða tólf, og fór að gera klárt fyrir ferðina suður. Brynjar kom ekki með suður, heldur ætlaði kappinn að dvelja örlítið lengur fyrir norðan. Það hefði ég líka gert, ef vinnan hefði ekki beðið, á mánudagsmorgni. Ég fékk hinsvegar afar skemmtilegan ferðafélaga með mér suður, stelpu að nafni Steinunn Marta. Hana tók ég upp í á Tjörnum, en þess má geta að hún er hálfsystir, Skarphéðins frænda. Það fór vel á með okkur, á leiðinni suður, og mikið talað um heima og geima. Það má allavegana segja að hún sé búin að ferðast til fleiri landa en ég ;). Þar að auki stundar hún nám, við listaskóla úti í Hollandi. Mig var allt í einu farið að dreyma að ég væri á bakpokaferðalagi um Evrópu. Umferðin suður var nokkuð stíf, og þessar blessuðu bílalestir, gerðu manni lífið leitt.

Eftir að suður var komið skutlaði ég Steinunni heim til sín, ég þakkaði henni sömuleiðis, kærlega fyrir rúntinn ;) Af því loknu hélt ég heim á leið, kom sömuleiðis með tölvuskjá að heiman, en skjárinn á flattölvunni eyðilagðist, eins og sagt hefur verið frá, í pistli á gamla blogginu.

Ég veit ekki hverju ég get bætt við þetta hér að lokum. Myndirnar eru frá Erlu Ósk, http://lukka000.spaces.msn.com/ - Ég sé ekki með nokkru móti, að þetta verði toppað á næstunni.

Over and out, og með kveðju
Jón Reynis

Nonni splæsir í kvöld

2006-07-17T14:04:00.000Z

Jæja kæru lesendur, ég hef ákveðið að skipta um bloggsíðu, enda löngu kominn tími til. Hvatinn var bekkjarmótið um helgina, og sá pistill sem ég skrifaði um dvöl mína fyrir norðan.

Hér á morgun, sjáið þið pistilinn, síðan í heild sinni, en hann er sá lengsti sem ég hef skrifað frá upphafi. Hef annars verið að dunda mér, við að setja inn tengla, hér til hliðar, en viðmótið á þessari síðu, er með mun skemmtilegri hætti.

Ég býð ykkur velkomin, og vonandi verður þetta, til þess að bloggfærslur verði örari, en tíðkast hefur til þessa.

Með kv. Jón Reynis